2006.04.28－改變

本來打算聽日返公司OT, 取消囉~~~!! 呵呵~

Carmen約我去深水po睇布, 做咩睇布?! 睇布整野比個女囉~ 呵呵 ^0^

之後就返屯門have a hair cut~ ^0^ 唔知有冇勇氣改變下型像呢?!

「佢」講得岩既~ 咁博為公司做咩?! 跟本就係唔合理, 「義氣」唔可以亂咁用, 用晒既話好難搵得返... 明知得返一個人做野, 都照舊接十幾廿個projects 返來?! 咁即係間公司唔理你既死活o者~ 你自己過唔倒自己o個關都要有個限度丫~ 冇理由咁蠢要一個人o肯晒~ 好多野都係雙向的, 人對你點, 你點對人, 咁都好應該o者~ 你一心諗住幫公司, 盡量做好去, 佢地會覺得點?! 佢地咪覺得呢d 係應份囉~ 佢地會覺得你係一個好員工? 人工又唔係高, 自己又懶去搵其他工, 又唔敢試其他工... 想o係呢度等咩野? 升? o係呢度有咩可以升?! 加人工?! o係呢度想加人工?! 咁你自問, 你想為左d 乜?! 無錯, 而家好難可以遇倒咁friendly 既老細, 但friendly 既老細唔代表有人情味, friendly 既老細唔代表佢地體恤員工, 體諒員工... 佢地有做過人地既員工嗎? 佢地知打工仔既心態嗎?! 你打工, 唔係為左想搵friendly 既老細, 同事好唔好, 老細好唔好, 只係份工既一d 點綴, 你打工係為左生活, 係為左要搵錢生活! 醒下啦~ 一媛!!!

「佢」... 係邊個...

「佢」...係我...


　

2006.04.28－油炸鬼唔油, 點叫油炸鬼?!

尋晚去左「知粥嘗樂」食粥, 有3個好煩既女人 (唔似係香港人, 似係自遊行...), 佢地complain... complain d 乜?! 雖然我聽唔倒佢地講野, 但從個女待應發嘮so... 都估倒d... =.=v

女侍應向其他侍應埋怨:「油炸鬼緊係油架啦!」

我估, o個3個女人應該係投訴:「乜d 油炸鬼咁油架!」 咁 =.=

後來, 見倒個女侍應換左碟油炸鬼比佢地...- =0=

我心諗, 油炸鬼換油炸鬼... 即係換d乜?! 唔通搵左吸油紙幫佢地索油?! =0= 油炸鬼唔油, 點叫油炸鬼 =0= 咁一係叫佢地下次落order 叫「油炸鬼走油丫」 =0=

點解d 人咁煩... 又煩親人, 又比人覺得佢地煩, 為左d 乜呢 =.=


　

2006.04.28－靜晒～

公司再次淨返我一人, 中央冷氣又off了~ 好靜~ 好靜~ 好享受咁靜既工作環境~

同事們柴娃娃的去了「無添加晚宴」, 我冇去, 因為唔想去...

或者, 我可能明白當時亞yip 點解唔想同公司同事去澳門 (雖然到而家仲未知佢點解唔想去澳門)...

仲有一次藥就食晒, 但, 仲有幾聲咳, 雖然d 咳少左好多, 但, 每一下咳, 係比以往既咳仲痛... 鼻水反而多了, 但放工時又好似收左少少鼻水... 唯一冇變既係, 每次食完藥都係溫溫dun dun, 其實, 請病假真係要請晒3日先得, 咁既狀態, 點做野.... 所以決定, 聽日或者maybe可能會返公司OT。



　

2006.04.28－貪大唔貪細...?

$8 碗粥我仲比得起 =0=

前陣子終於比返lunch 錢同domain 錢比大爸~ 終於鬆左口氣~ 起碼, 唔駛欠佢 =0=v

無添加尋日一句:「細都要貪呀! 如果唔係遲d 連細都冇得貪!」...
um... 我唔會貪d 咁既野囉 =.= 唔駛咁cheap 呀 =.=

um... 我似乎開始唔合群了...


　

2006.04.27－勁辛苦．．．

今日係病假後既第一個工作天．．．

今日勁辛苦... d 死人藥就好似「安眠藥」咁...食完冇幾耐就溫溫dun dun...

我諗, 今日返左公司11個鐘, 我既實際工作時間只有5個鐘倒 =.= 其餘時間...發呆... 訓覺 =.= (我得到批準架 = =v)

聽晚公司既同事會大伙兒去無添加間酒樓度食飯，我reject左～
1. 病到冇胃口, 而且聽日仲要食藥, 實會溫溫dun dun...
2. 食完d 藥, 敏感, 對手生晒粒粒, 要戒口
3. 傻佬佢放工起碼放八點幾, 都去唔切...
4. 好累, 就算真係有時間, 我寧願留返d 時間做好公司野...
5. .... 唔想同佢地食飯 =.= 好怕好無聊又悶又冇話題既無謂應酬 =.= 去到只係食.. 同陪笑 =.=
6. .... 算啦~ 唔好講啦~ 反正都...


　

2006.04.26－戰敗了

實在太恐佈了．．．把聲完全係另一個人　－．－

當我仲諗緊返唔返工好之際，傻佬好凝重咁叫我請病假，叫我快ｄ睇醫生．．．

咁又係既～咳到咁，返到去實嚇親人．．．而且又怕傳比人．．．

宣告投降，決定睇醫生。

哇～d藥勁到丫．．．．我唔係指佢藥效勁，而係指佢「安眠」勁－０－估唔到．．．每次食藥後，必定會在1小時至1.5小時之內可以訓得著，而且一訓就訓4個鐘－０－一起身再食少少野，又可以再訓－．－攪到我成日只係做左少少公司野．．．唉～真係失敗。

雖然病，但．．．好開心，開心d咩?! mero．．．竟然比我執倒隻「黑螞蟻（サクラ）」，好開心～～！！我未見過其他人既mero有呢種花（櫻花）～Lucky~ Lucky~!!! ^0^ 但．．．實在太佔位了～可能會遮住d種子．．．唯有．．．用一段時間後．．轉返其他小花　＞﹏＜。

暫時mero執倒既「種子」

サクラ

　
　

2006.04.25－Lucky Day

朝早起身，出門口返工前上了一陣網．．．
咁都比我執倒個藍色水壼 ^0^ (mero 既藍色牽牛花)
之後返到公司，又幫小安執倒種子 ^0^
後來又幫Calico執倒種子　＠０＠

全部動作o係09:30開工前完成～@0@

So LUCKY!! ^0^~~~~


　

2006.04.24－多謝關心

前陣子個胃勁唔舒服，今日，終於au返好，但換來的，係喪咳．．．

胃痛期間，大爸已經成日叫我去睇醫生，但．．我當然唔會去睇啦～唔駛錢咩　－．－

今日，大爸終於頂我唔順－．－由房到打電話出來叫我同佢一齊出去，我心諗：「去邊呢？唔會叫我幫手睇office卦～」，點知，原來大爸係叫我同佢一齊去睇醫生－．－佢想拐帶我去睇醫生＝．＝大爸．．．我心領啦～但．．我真係唔想去睇醫生，我對醫生真係冇信心．．．

多謝大爸。


　

2006.04.23－很累, 但很開心的星期天

Carmen, 洛文, Hebe... 又話一早起身來香港呢頭, 我講得冇錯:「你地肯一早起身來唔遲到既話, 我請飲茶又點話!!」嘿~ 佢地?! um... 成十一點先出門口 =0=

食完野就向好鬼大既銅鑼灣o個邊既jusco 十蚊店出發! 殺呀!!!

但... 原來Hebe未去過 =.= 佢... 來來去去都係... 「好得意呀!!」, 「好神奇呀!!」 咁不停大叫 =.= 我同Carmen好無奈 =0= 唯有避之則吉 =0=

殺完cwb 既十蚊店, 再飛的殺埋中環o個間十蚊店~~ 殺呀~~!!!!

咁就已經三點 =0= 搭埋車返到西環, 三點幾 =0= 仲要死埋去老M度食雪糕嘆下冷氣先~~!!!

就係咁, 四點開波! (Hebe 再次發功 =0= 一邊行我家條樓梯, 一邊o係度鬼殺咁嘈咁叫「好"支力"呀! 仲有幾多層呀?!」咁 =.=")

入到屋, 洛文已經上身咁即刻拎出佢來呢度唯一可以吊命既item 出來~ 就係PS2 =.=

之後就變左: 2個男的, 在家打PS2, 而3個女的, 則上左天台剧木 =0=""" um...其實係咪應該倒返轉呢 =0=

我同Hebe都未試過剧木, 點及Carmen丫 @_@ 佢以前讀ive 時成日玩呢家野 @0@ 所以, Carmen就係咁教我同Hebe 點樣剧木 @_@ 我算好好架啦=0= 第一次剧到咁=0= 但, 我一定可以100% sure 一樣野~!! 就係... 我一定係剧得好過Hebe!!! 佢... 唉~ 不願置評 =0=

剧木時, 我o個一刻好掛住傻大姐 >"< 佢一定會剧得好好~ 同埋一定會幫我地整野 >"< (不過, 又有可能佢都只係o係樓下打機唔理我地 =.=")

我地o係天台唔知攪左幾耐, 當我地o係度%$#$# 樓下o個2個男人見我地咁耐都唔落返去, 又唔上來睇我地既死活之際... 都係傻佬好d~ 佢肯捨棄打機上來睇我地 @0@v wakakaka~~~

剧好晒木, 預備好晒, 又落返去砌野 @_@ 我地攪乜野? 唔揭曉住~ 遲下做好左先啦~ = =v

Hebe 佢...好鈍 =0= shopping 時已經咩架啦~ 來到我家, 剧木又咁... 入到家, 唔係撞呢樣就撞o個樣... 唔怪得我同Carmen成日話佢「有破壞冇建設」=0=

做好左個初型, 又玩下影相, 都已經夜晚八點幾啦 =0=

落街食pizza (唔抵食! 半價都係咁講!), 送完佢地搭車再返到家, 執返好, 再吸塵... 咁又十一點幾 =.=

哇~~~ 咁又冇左一日啦!! 呢2個假期... 咁快就完左 =0=

好累!! 真係好累!! 但, 好開心 ^0^

平時, 我覺得我間屋好似好大咁, 但, 好似今日咁, 來多三個人o係度玩/整野, 就會發覺間屋原來係好細架咋 @_@~~

傻佬話:「最衰佢地住咁遠啦, 如果住附近, 樓上樓下, 隔離咁, 幾好! 可以成日咁一齊玩」

其實我都有同感, 覺得咁樣, 好鬼死熱鬧, 好開心~ 但, 以前一齊住時又唔會覺得咁架喎 =.= 可能而家個個都大晒啦~ 似fd 多過似姊妹~

下次~ 或者會去沙灘進發!! 要同d 囡囡影水著 @0@v 我都好耐冇去過沙灘曬太陽啦!! 好想去玩!!!



補:
今日學多一樣野, 就係「他不是MAN」 @0@ 哈哈哈~ 其實係 Rubber cemenet 哈哈~

仲有... 我個女有鞋著啦 @0@ 對converse 鞋經由佢地運送左來西環啦 ^0^ 好開心~!! 除左亞女有鞋著之外, 仲有... 亞女著左鞋之後, 可以企o係度呀!! 正~~!! 嘿~


　

2006.04.22－IKEA、爆茄男、爆褲男大亂鬥

自發性的返公司OT... 不禁佩服自己... 果然係個工作狂 =0=

朝早, 食完早餐, 大爸就打來問我係咪返去, 因為有人拎野上去, 我要早過佢返去開門 @0@

十點返到去, 做做做, 中途大爸細爸同兩個常客都上左來攪野, 我就十二點幾就走了, but.. I'll be back!!! 約了Jessica =0=

之後四點半倒, 又返到公司繼續做野 @_@v

六點九走人, 因為約了傻大姐, 係佢叫我18:43 走人, 去到sogo 門口等, 佢仲話佢一定會早過我到... 點知.... (算吧啦~ 事實已經證明你係遲到男 =0=v)

夜晚同傻大姐去IKEA睇傢俬, 笑死!!

可惜記性唔好... 不能盡錄所有笑位 >"<「Coupon」、「和民拉登」.....嘿~ 你地想知咩事? @0@ 唔話比你地知~ 呵呵~ 呢度玩下野, o個度玩下野, 見倒有房又入去睇下, 玩下... 嘿~ 我都話IKEA好好玩架啦~ 哈哈!! 當然, 我地玩還玩, 我地都有好認真咁去睇野同度size 架 =0=v 後來, 好委屈傻大姐咁... 去左西環間老M度食野... (唔好意思唷, 我胃口好d 時, 再去食日本野啦 >"<)

之後, 又去左碼頭吹風囉 ^0^ 噲~ 唔開心既野唔好提!! 由得佢浸水囉~~~~!!! (但我要罰你$1500 先!! dum垃圾落海!! \_/)

傻佬後來也加入了, 但只是一會兒罷了~ 嘿~ 同傻大姐合照, 好開心 ^0^ 終於有張合照 ^0^~~!!!

不過好攪笑! 傻佬第一次同傻大姐見面, 但... 頭o個幾句已經係「快d 除衫!!」 YO!! 如果唔知發生咩事, 真係以為佢地係斷背 =0= 但, 又估唔到傻大姐又會同佢癲 =.= (當然, 我一定有o係旁邊叫喊助陣~ wakakaka)

呢晚冇乜風, 但感覺也蠻舒服~ 雖然有時同傻大姐會有「死氣」, 但, 只係雙方都在沉思... 我蠻喜歡同傻大姐坐在碼頭「靜坐抗議」(但... 抗議d 乜呢=.=", 講笑o者~ 哈哈), 或者我心情唔係咁穩定, 情緒都唔係咁好, 對住個海發呆, 聽下傻大姐講野, 會舒服好多~ ^0^ 而我, 暫時都係一個聆聽者... 唔知點解, 我仲未有準備做一個傾訴者... 希望會有一日我會嘗試做下啦 ^_________^""

呢晚, 除左傻大姐講佢煩惱既事之外, 一輪咀講左好多笑野出來~ 我真係笑到好辛苦 (後來既喉嚨痛都唔係咪因為咁!! \__/) 那個「超細碼紅色泳褲爆茄男」, 「五彩天梯爆褲男」.... 救命呀!!!!!!!! ^++++^

快樂既時光過得特別快...


　

2006.04.21－36 24 36?

呢幾日OT (慣了), 今日都唔例外~

OT時, 好多時都係淨返我同大爸同細爸~

今日都唔例外... 我地又癲啦 =0=

由於公司遲d 要搬office, 所以, 大爸同細爸不停咁要出去睇office~ 而大爸亦忙於度尺寸同埋諗d 坐位~ 後來, 細爸佢用o個d 尺... o係度... o係度... 度佢條肥腰 =.=

哇~~ 「xx (秘密 = =v) 咁肥?!」<=== 佢大叫 =0=

我做再建議佢搵條繩再度, 度完度條繩啦~ o個d 尺又硬, 起角, 未必準~

點知佢真係好快趣咁... 走去搵繩 =0=

一度...「哇!!」<=== 呢句係我叫既 = =v 真係咁肥喎 @0@~~~!! 「減肥啦!!」 <=== 呢句都係我叫既~ wakakakaka~~~~~!!!! 細爸佢終於相信自己係kung啦... 哈哈~~!!

我口痕痕, 問大爸:「咁你呢?!」, 佢笑笑口話:「我一定冇佢咁肥啦!」, 但我要既係一個實質答案! 再追問之下... 大爸話佢自己xx吋 (腰呀 =0=), 我又唔信, 細爸更加唔信 =0= 細爸走去同大爸度... wakakaka 大爸佢又肯同細爸癲 =..= 細爸o係大爸間房度度完衝出來度size... 我係助手 = =v 當然有第一手消息 = =v 「哇~~~~~~~~~~!!!!!!!!!」<== 又係我既叫聲!! 大爸忍唔住又出左來, 「哇~~~卡卡~~」 <=== 細爸既笑聲 =0= 因為.. 個數字同大爸講既都差幾遠 @0@ 而且... 同細爸既數字差唔多 @0@~~!!! 我既叫聲, 係因為我唔信 @0@ 因為大爸睇落都幾fit 下架喎~ 估唔到咁@0@!!! 而細爸既笑聲... 當然係瘀大爸架啦~~ wakakaak~~ 而大爸佢... 佢自己都唔敢相信呢個事實@0@~~~~~!!!!!


　

2006.04.19－仲係痛...

呢幾日, 痛既情況係咁既:

朝早起身: 小痛一食野落肚, 幾啖後開始痛,
之後就係劇痛間唔中就會無端端痛...

唉....

2006.04.18－一連幾日病既先兆...

個胃...

2006.04.16－P女團～元朗之旅

繼TST之旅之後, 趁假期未完, 再來多一次外景拍攝~ ^0^ 今次多了兩位成員 @0@ 就係Hebe 既大女, 同Carmen 既細女 @0@~~!!!

我地三個經理人(褓母)同一位攝影師再加多一個路人甲 =0= 就係咁, o係元朗公園度忙左半日 @0@

我地既女, 已經分為以下既類別:
我既女 ==> 性感路線又得, 淑女路線又得 @0@v
Carmen既女 ==> 武打女星, 動作演員 =0=
Hebe既人 ==> 新人一名 =.=

拍攝完外景, 食完個下午茶, 返屯門老家滾攪一番 @0@v

由於o個晚我老細同老爹又返左上去, 所以決定o係屯門過夜算囉~



(有關是日相片, 稍後推出~!! 密切留意!!!)
http://winnie.sorsorday.com/20060416/

2006.04.12－心足館（補）

查實都唔見得係12 定13號囉~



又見倒個傻大姐@_@(新名呢 = =v wakakakaka),
lunch 冇帶飯~ 又同傻大姐食飯~
佢話想食粥, so 介紹左去「心足館」。 (我都未食過架 @0@)



本來, 同佢食lunch 有兩個條件, 但... 太可惡啦! 又遲到 =.= (違犯左第一個條件=0=)
所以, 第二個條件逆轉左~ 多謝! \ _ /凸



um...呢間野都ok喎 @_@ d 粥好大碗 (煲仔), 都會飽架!!



始終都係一齊食dinner 好d, lunch 實在太少時間, 都傾唔倒d 乜~












　　

2006.04.14－TST之旅

朝早睇完戲，晏晝約左Carmen夜晚同個女影相～= =v　

由於我一睇完戲就周圍同人講套戲好正～Carmen佢．．．又走去睇－０－　變左，要等埋佢地睇完戲先－０－

旺角等，雙方一見面，即刻互雙扮演冰河世紀2入面既間條鼠既動作呀，講劇情呀咁，咁又笑一餐＠＿＠v 至於晚餐，食咩好呢？！本來打算食魚米之尊，點知上到去，見倒有間日本料理（樓下既女仔promote「$98任食日本料理，包埋火煱」，咪打算去試下囉～點知．．．垃圾！大家千其唔好去！一來ｄ野唔好食，二來落完order永完唔會齊料，三來ｄ侍應．．．黑口黑面架！！唔止！又唔講明唔包野飲喎～埋單時，個侍應見倒我地斟左３杯可樂，收多我地$20！！（我冇飲架！！都唔知係咪計埋我！！）總之～呢間野已經比我地bad list左！呢間野叫「日之食」！大家要記住呀！o係旺角魚米之尊樓上架咋（三樓）！！千其唔好去！

好不滿咁食完呢餐，大伙兒搭巴士向TST出發！o係巴士度，我同Carmen已經急不及待咁拎亞女出來影相，哈哈哈！去到TST一落車，我同Carmen就好似自由行咁，一見倒有咩位置，好位就衝埋去，當然，上鏡既唔係我地，而係我地既2個女～哈哈！！至於攝影師，當然我地有位半專業既攝影師啦～　呵呵～～！！

影呀影～笑呀笑～不知不覺已經十二點幾～途中，聽到有不少途人讚個公仔靚／得意等等，好開心～　哈哈！仲有2個外國人士突登行到我地後面睇住我地影相，當時好黑，我o係度打緊燈＠＿＠　都未得閒望佢地2個係咩樣＠＿＠　後來，o係星光大道既Director Chair度，我個女同Carmen個女坐左o係度，點知，有個講廣東話唔係好正既女士好突然咁行埋來問我地呢D係咩來＠＿＠　我地都好驚惶失惜咁答佢：「公仔囉」－．－哈哈！！！後來個女士好似好開心咁問我地：「我可唔可以同佢地影張相呀？」＠＿＠　就係咁，我地個女有左第一位女FANS！！！哈哈哈！！！

十二點幾，活動結束，搭車返到家都已經點幾囉～

（所有有關既相片，稍後先放上來＠＿＠ｖ）
太多相啦~ 都係放條link 上來算啦~ 哈哈!
http://winnie.sorsorday.com/20060414/


　

2006.04.14－冰河世紀2

一早起身睇早場，今次睇「冰河世紀2」，好期待　＾＿＾


晨咁早起身，野都唔食，一早去拎票（網上訂票），頂丫！要兜圈去戲院，好在奧海城都算熟路=0=v，我地o係經常坐既行數，今次坐正中間，即左邊有４個位，右邊有４個位，我地坐正中間o個2個位＠＿＠，我記得我買票時，左４同右４都係比人買左架－０－，但．．．到我地睇完套戲．．．都冇人來－０－我同傻佬就好似包左呢行咁～哈哈！正！！

講返套戲先＠＠，笑死我！比第一集好笑好多！仲好笑過至尊無賴＠＿＠ｖ！我睇到dum晒地架＠０＠～～！！好鬼死鐘意森仔＞﹏＜ 又好鐘意ｏ個隻唔知咩鼠喎＞﹏＜ 下面呢一隻呢！！今次佢既出場次數都唔少＠＿＠勁！仲好鬼死好笑！每次一出場都好鬼好笑！！

2006.04.13－工作

最近工作十分極之咁凸忙，但唔知點解，點都冇乜心情做野～

真係對公司有ｄ唔好意思，唯有o係下個week開行turbo趕工啦 ＞﹏＜

或者，呢個復活節假期，要o係屋企ＯＴ先得 =.=

有好多人好期待復活節假期既來臨，話晒都有4日假期，但．．．我又冇乜特別感覺．．．

2006.04.11－至尊無賴

沉悶的工作，就快使我透不過氣．．．


臭ｂｅ再度出擊，今次唔係食飯，而係去睇戲＠０＠，仲要係去睇港產片－．－違返了我既原則－０－不過，算啦～呢前我都想ｒｅｌａｘ下～傻佬佢就唔好彩啦～本來搵埋佢，但佢唔知幾時放工，變左，佢冇份＝＝ｖ

（為左搵呢ｄ相，搵倒個官網．．．乜原來「至尊無賴」既英文名係「UNDERCOVER HIDDEN DRAGON」．．．好怪－０－ http://www.undercoverhiddendragon.com/）

又係鄭中基一貫作風既笑片，都有不少位都好好笑架！如果心情唔好，去睇下真係可以ｒｅｌａｘ下既～但．．有ｄ位．．我真係唔曉笑－．－｜｜｜

睇完戲，都成十點幾囉，去左間叫「笑笑」既日本料理度食，ｄ位幾特別，要除鞋先得，坐得好ｆｒｅｅ（無計，我鐘意ｘ腳，哈哈），但ｄ野食就ｎｏ　ｇｏｏｄ！！！我個人來說，已經ｂａｄ　ｌｉｓｔ左呢間－．－同臭ｂｅ食左４～５樣野，飲２杯野，九折左都成＄２３ｘ，完全唔抵食！同和民比較，我鐘意和民好多－０－

同臭ｂｅ食飯，所傾既野來來去去都係ｏ個ｄ，邊ｄ？唔話你知－０－ｖ　ｕｍ．．．都係ｏ個句啦～　咩啦！你ｕｎ既！

食完埋單，由於匯豐信用ｃａｒｄ有ｄｉｓｃｏｕｎｔ，當然唔好錯過啦！我碌卡！但，臭ｂｅ佢竟然比返錢我！拷！唔凸收啦！ｆｄ底唔會計呢ｄ！何況我地又唔係ｆｄ底！（同你唔係好熟架咋！）後來，經過一輪好似師奶咁既推錢揼錢既戰鬥，再加上佢某ｄ說話，我要爆啦！或者，臭ｂｅ佢唔知自己講左ｄ乜而令到我爆，但，只係ｏ個一句說話！ｏ個一句，已經令到我以後唔想再見倒佢．．．好嬲！真係好嬲！應該係好嬲佢！但嬲唔落！唯有嬲自己！原來，我係ｄ咁既人．．．．

ｔｏ　臭ｂｅ：

無錯！「錢」對我來講係好重要，所以，人地既錢都好重要！你話就話自己冇乜支出！你都要諗下自己啦！借左幾千蚊比人，又收唔返！人地又唔肯還！問你借完錢就拍下個ｐａｔｐａｔ走人！連ｍｓｎ都轉埋，電話又唔聽！你又唔主動咁去收錢！大佬呀！ｏ個件咁既豬扒既生物體，值唔值得咁呀！除左呢幾千蚊，你又成日無端白事請人食飯！你而家發左達？！你話，同男仔食飯會ＡＡ，而同女仔食飯，你會請客。ＯＭＧ！ＷＴＦ！呢個係咩道理？！你而家要包人飲食嗎？！你包起人，咁對方都要有所付出先得架！！咁你而家包人，你得倒ｄ咩野？！ｈｕｈ？！你仲要成日搵呢個搵ｏ個個食飯，好搵唔搵成日搵女，ｏ係「請女食飯」呢一點，你都用左唔少錢啦！唉～我都唔想你既支出多數都係為左「女」　－０－　真係想你快ｄ搵返個女朋友！起碼你ｄ錢亂洗都係洗ｏ係佢身上－０－　當然，希望你搵倒個好女仔，唔亂洗錢既非豬排生物體！！我知到時你冇乜時間比我發你脾氣，比我向你黑面架啦～呵呵呵～我大不了可以對第二個黑面～　ｗａｋａｋａｋａ

加上，我係你細佬！我唔駛你包－０－如果我要你請，我一定會講明叫你請＝＝ｖ如果你錢多唔知點洗，出聲丫！你比我！我幫你開個ａｃｃｏｕｎｔ同你ｓａｖｅ低去！冇你咁好氣！再唔係，你比你屋企做家用啦！噲～你最近又話有間新房！咁都要錢架？！ｓａｖｅ多ｄ錢，總會有不時之需架嘛！！！！儲錢啦！！

2006.04.10－平凡中的不平凡的一天

普通的一個工作天，無端端臭ｂｅ問我夠唔夠薑出去食ｌｕｎｃｈ－０－　

Ｗｈｙ　ｎｏｔ？！於是，搵埋Ｃａｌｉｃｏ一齊去食　＝　＝ｖ拿！我有帶飯都出去食！我仲有大把薑既存貨！＝　＝ｖ

唔知食乜好，是但咁去食味千，拷！有人玩遲到囉－．－

三個人，三個ｓｅｔ　ｌｕｎｃｈ，再加三個小食－．－　飽到頂上心口－０－　

2006.04.13－開門小吉

八點半返到公司做開門．．．
一早返到來．．．都唔知做乜好　－．－
冇理由叫我八點半返來就開工卦　－０－

2006.04.12

放工時間大概7點半，比大爸叫左入房．．．開始佢既馬拉松式「父訓」－０－，我一路覺得好down．．．（足足講左成個鐘咁濟～）首先請要明白，我真係跟晒個「客」既要求，呢頭話要配合個客，o個頭又叫我唔好太就個客．．．我真係唔知點好～＿～呢個客，非一般既客．．．佢係細爸－０－。呢個crm我對左咁耐，足足憎左咁耐！幾時先唔駛再對住個crm．．．唉～SV太複雜，D客太煩啦－．－簡簡單單好似NF咁咪好囉－０－唉～　完左呢個crm，仲有另一個crm．．．真係好想死＞﹏＜．．．

走後行去銅鑼灣，本想打算邊睇衫邊等人食飯，點知又再次無端端比人叫住，搵我做「試衫」－０－已經唔係第一次咁比人o係街度叫住－０－唉～又唔見比ｄ星探叫住我！成日都係呢ｄ試衫既公司叫我架－０－佢地睇中我ｄ乜？一定唔係樣啦－０－更加唔會係身材－０－全因係我個膊頭夠橫－０－．．． 但係，攪笑既係，呢ｄ搵人試衫既公司，你一上到去，就會覺得80%係騙人，入埋間房，聽埋佢講野，已經知係100%騙人的～哈哈！真係好攪笑！我心諗，我唔係未試過未呢ｄ公司叫停我上埋佢公司，但奇怪在，間間都係咁，講完佢地既工作程序後，就會開始o係度sales美容院＠＿＠我真係覺得好好笑，講既內容完全一樣！好勁＠０＠我頭先咪去玩下囉～好在我已經100%知道佢地會講乜= =v　佢地又問我有冇做開Facial呀，平時有冇化粧呀，因為每次試衫影相都要set 頭要化粧咁，我就答佢，我一向都有做Facial，佢就問我去邊間做，我話o係Morden Beauty做，佢就開始講呢間野唔得呀，又呃錢呀咁，又話細間既美容院又點好點好，呵呵呵～我都知佢點講啦～我就好confidence咁同佢講：「無錯，雖然我知Morden Beaty或者其他有名既美容公司既收費係比較貴，但勝在信譽好！比倒客人100%信心，但ｄ細既美容院價錢平，但真係完全比唔倒人信心，話晒都係自己塊面，點會亂咁比人攪！而且我o係MB都做左幾年Facial，對佢地都好滿意！係就係貴ｄ，但唔會因為價錢而去揀其他美容院，除非我唔搵美容院做Facial啦。」，之後佢再轉呔，話「唔會強迫我去join佢地既美容院，因為佢地又冇收錢等等等咁講一大論，跟住又話，因為個化粧師呀，set頭既人呀全部都係o個間美容院sponsor，所以會好ｄ，如果唔係，就要自己化粧呀set頭咁（之前同佢既對話，講過我唔會／曉化粧），或者可能要比錢請個化粧師，或者搵個曉化粧既朋友丫，但係又未必夾倒時間喎！」呵呵～我又回佢：「咁我又識得人化粧既，但係時間真係好難夾囉」，佢眼凸－．－好似好surprise我識得人化粧咁－．－佢又問「咁下下搵朋友都唔係咁方便既，你知啦～有時都要同ｄ朋友計返錢架嘛～」，呵呵呵，我回佢：「咁錢呢個又唔係問題，o個個係我家姐」，佢對眼再凸，我好怕佢對眼會跌出來！佢又問：「咁你家姐化咩粧架，識唔識襯返唔同既衫化唔同既粧架？！我地有時又會影ｘｘ相，又時會影ｘｘ相，ｄ粧好唔同架喎！」，呵呵～我回「唔怕！我家姐佢學過美容的！有晒證書！乜粧都曉化！（心諗：除左死人粧＝＝ｖ）」當時我真係好想笑出來！！但佢仲不停咁叫我去join個美容院，又話盡量幫我講買少D course，傻啦！我真係冇咁蠢！我只係同佢講：「我都係唔啦」，佢仲不停咁叫我試，仲問我其實有咩問題，又話呢ｄ part-time job 搵好多錢，既然佢問，我咪答囉：「就算我做試衫，都係為左錢，但你而家叫我比錢買野，我緊係say no啦！」，佢那刻已經宣告戰敗啦= =v　跟住就無晒心機、低聲下氣咁話叫我返去考慮下，遲ｄ有衫要試而fitting 岩我時再contact我，咁之後就放我走啦～哈哈哈！！！見ｄ人變臉，真係幾好笑架！但，唔係好明，點解我成日都遇到咁既事－．－如果我真係蠢既，都比人呃過唔少次－．－

好累～公司既野，己經令到我身心疲勞，精神受挫．．．唔好再刺激我啦＞﹏＜我年紀大，唔挨得架咋～～！！！

2006.04.12－臭mero!!!

撞鬼囉～～～　放屁已經夠臭！仲學埋．．．隨地便便　－０－

2006.04.10－驚人的cocoa

我．．．完全嚇呆了！！！

2006.04.09－開心日與夜

日：今日又幫亞女洗頭啦～（嘿～）

夜：
睇死神，追返３集　＠＿＠ｖ

比我bid倒對耳環，$49有交易　＠＿＠ｖ

訓前check email, kinder出奇蛋出現！！（其實個email原來7號晚己經收左，但冇留意－．－）收倒web hosting 既receipt　＠＿＠！！！！　我當時個心真係嚇左一跳＠０＠！！！　隨即就大叫「多謝Brian爸爸！多謝Bill爸爸！」，希望佢地聽倒啦＠＿＠ｖ　西環雖然好細～　但唔排除佢地訓左－０－　（唔知Bill爸爸會唔會比錢Brian爸爸呢？！（Bill爸爸話比50%Discount Off我），但我肯定，個record應該係Brian爸爸做手腳！呢對手腳～冇人可以斬佢！我會保住佢！）但後來我心再諗多樣野：咁呢一年．．．咪好似欠佢地咁囉－．－　anyway．．．唔理～　勁開心中～　呵呵～　為左好好咁對待呢個web hosting．．．　我一定會竭盡所能！用盡佢！WAKAKAKAKA～～！！　Calico到時唔好打電話比我話我知我violate 左terms就好啦＠＿＠ｖ

開心死～！

突然．．．又諗多一樣野．．．Brian爸爸會唔會o係我人工度扣返條數架－．－　佢．．．做得出架－．－　怕怕～～　怕怕～～

2006.04.09－至尊無賴mv：青春豆

短片提供：Calico

後感：佢地好似扮緊韓國o個兩個女仔　－．－（又係抄野？－．－）

2006.04.06－史無前例！

尋晚熱到不得之了，o係張床度碌到兩點都訓唔倒＞＾＜，冇計啦～我家唔會開窗（好多小飛飛＞﹏＜），又冇開風扇（收埋左未拎出來），更加唔會開冷氣（電費貴－０－，又未洗冷氣機－．－）．．．好辛苦先訓得著，但又比我五點鐘熱醒左！把凸火！眼碌碌碌到七點鬧鐘響！我頂！太熱啦！搶先去執眼耳口鼻．．．攪好晒例行裝束，只係八點十分，仲有大把時間～一邊打機一邊等電話響，唔知今日會係邊個爸爸打來呢？＠＿＠

打機打到八點半，有不詳預感，算啦～都係搭巴士啦～可能好似之前咁，一係就途中有電話到，一係就等等下巴士突然架車o係巴士站出現　＠０＠，可惜－０－　18P已經浦頭，個電話都仲未響過～心諗：「佢地攪乜鬼，肯定會出事＠＿＠ｖ」，九點十分返到公司，熱得很，我最早返到，之後一個一個咁出現．．．最後，4個女仔返晒來（可以開倒一圍台－０－），九點廿五分，打個電話比細爸－＞唔聽，再打比大爸－＞都冇人聽，好！佢地玩失蹤？＠０＠　後來大爸打返比我，聽佢把聲都知佢對眼仲未開（我都覺得自己勁！聽聲就知佢對眼開定合－０－），經大爸批準，我地4個女仔就柴娃娃咁落去食個早餐= =v，途中，細爸打來，話岩岩擦完牙－０－

食完早餐返到公司，十點鐘！正！真係史無前例！適逄員工有公司key既人又請左A.L.，哇卡卡～大細爸，你地個底已經花左啦 ^++++++++^！！

而至於LUNCH．．．呵呵～當然係萬歲啦！雖然我有帶飯盒，呵呵呵！留返聽日先食囉～嘿～

放工，八點幾走（可惡！唔記得checkout！又off左server！好絕＞＜！！），我當然又係跟車送貨啦～落到樓下，正打算去拎車時，細爸問大爸：「你今日渣車返來咩？」，大爸又問細爸：「你今日唔係渣車返來咩？！」，哇卡卡～～！！！絕配！後來都係振興香港經濟，幫襯的士哥哥啦～～～！！！（我反正都係搭單＝＝ｖ）

2006.04.06－學曉放屁的mero

陰工囉！！好學唔學．．．亞woon'z做咩學放屁　＞﹏＜
一定係Os 教壞佢！ \ . / 可惡！

後補: 我搵倒個真兇啦 @0@~~~~~~!!! 原來係咖喱糕教壞woonz 架!!!! 可惡!! >"<

2006.04.04－下屬是上司重要資產

從安部的blog偷回來的一個post。
************************************
************************************
下屬是上司重要資產，善待他們，讓他們若喜歡這份工作、這個老闆， 自然會落力將工作做好、爭取表現，這才是win-win。

一個理想的工作環境，是同事們都喜歡上班而不是害怕/討厭上班。

如果同事s每天都視上班如受刑， (略...) 負面的壓力及思想只會影響員工的表現，倒頭來損失的還是上司。

某CEO在訪問中，表示希望每位同事每天都是帶著笑容離開，然後明天再帶著笑容回來~~ 又反對同事熬夜加班，認為這樣有損健康！ 沒有視下屬為自己賣命為理所當然，這些老闆，已經好難得。

2006.04.04－從收音機聽倒的一句說話．．．

「冇任何一間公司既上司，係唔會對下屬冇任何勺難。」

2006.04.03－價值

價值$500既「義氣」．．．值得我去爭取嗎？

後補：其實，並不是「銀碼」多與少的問題（謎之聲：「那個打工仔唔想加人工？！」)，而是．．．我的「義氣」被當成「義務」．．．唉．．．

2006.04.03

好失望．．．

2006.04.02

一早起身，周身骨痛＞﹏＜　可能因為尋晚太放肆啦－．－成三點幾先訓－．－　原本打算行山的，但由於執屋後發覺好多被同床單未洗－．－唉～又要老遠咁拎返屯門洗被啦＞﹏＜（ｄ洗衣舖，被呀，床單ｏ個ｄ，洗一張要$60架！痴線！！

訓完覺，心情好返ｄ～尋晚比人作弄後，作了一個自我反省－０－「我變了－．－」係囉！我做咩會咁勞氣呢－．－做咩要嬲呢－．－我以前都唔係咁既～又難講，或者，呢件事又踩中我既「最憎」十大之中－．－「講大話」同埋「搵我來講」．．．算！做返以前既我啦！岩玩就一齊玩，唔岩玩既咪唔好玩囉！嘿～我以前都係咁教人～＾＿＾今次到我自己囉＠＿＠ｖ

我太易相信人啦～真係要學識一下點樣唔好信人，同埋點樣保護自己先得！！\ . /

呢個世界變得太快，變左好多．．．身邊好多人慢慢將我從「朋友」剔除，我也將身邊好多「朋友」慢慢咁踢開．．．最後會變成點呢？

2006.04.02－mario！！勁呀！

正！！！！

2006.04.02－勁呀！

睡前．．．睇左幾次！勁！！！

2006.04.01

頂丫！冇左篇野！冇心機再打，草草的打一句吧！


「很爛的玩笑．．．會導致一切的改變。」

2006.04.01－頂丫！又有BUG啦！！

會無端端冇左d post架！！！！
我今朝既飛雞之旅．．．同頭先打既一篇野．．．冇左－．－
可惡！飛雞之旅又要再cap 圖＼．／

吼～～～～～～～～～～！！

2006.04.01

講返尋日先＠＠　2006.03.31
胃痛到不得了，Lunch的Buffet完全係浪費－．－一邊食一邊痛．．．勉強的吃了三碟，主要係火腿粒、薯仔及蕃茄－．－好在係無添加請，如果唔係．．．dum心－．－　又係我關門大吉，算係好啦～八點幾就走得，而且一日之內完成左GoodEarth既繁體版，好在YIP伯之前做好左個cms（雖然係咁，但都有大半要改過－．－因為佢所做既野，同design&個客要求既野都唔夾－．－），慳了唔少時間！ 但．．．Venhouse就完全冇心機繼續－．－仲要比我聽倒佢想加新Function．．．天啊．．．沒完沒了的Project．．．＞﹏＜

夜晚本來打算去灣仔頭既玩具街度幫Carmen睇toystory o個隻細B，但．．．放工去到．．．都閂晒舖－．－白行　－０－　後來又行返去銅鑼灣既十蚊店，買左張細椅比細B坐，又買左個膠盒，打算可以放亞bi入去，出街時唔駛斷手斷腳．．．點知－．－返到家先知．．．亞bi完來係咁高架－．－佢入唔倒個盒倒－０－變左．．．個盒唯有係放亞bi既雜物－０－

返到家，呢期既指定動作係上yahoo 拍賣睇B女。見倒Carmen想買o個隻P女(Latte)比人問價$430成交＠＠（原本$450），當然登佢唔抵啦！都叫佢問人fast trade架啦！即刻打了3個電話比佢．．．都冇人聽－．－　唯有留sms－０－　睇天既做化啦～～！！




到今日啦＠＿＠ 2006.04.01
無無聊聊．．．整左幾張亞女既wallpaper = =v　哇卡卡！！！

為左同Carmen向o個壇野進發！上網搵左部迷你衣車～傻佬好順便咁幫我去左買 = =v　$90！得左！就係以下呢一部啦＠＿＠ｖ

無無聊聊．．．同亞bi影左寫真！！有點兒三級唷！你夠18歲未架！未夠既唔好睇－０－！！

「亞bi既首張裸照．．．首次公開！！！！！」

晏畫幫亞bi洗頭（懷著戰戰兢兢的心情，因為始終未試過－０－），但我冇幫亞bi洗佢個頭頂．．．因為．．佢頭頂真係唔知點洗．．．又唔知可唔可以濕得水喎－．－　怕怕～　YEAH！得左！而家亞bi　ｄ頭髮好鬼死順＾＿＾呵呵～有冇人搵佢拍廣告呀！！呵呵呵～～～！！！

2006.04.01－mero既新詞彙：日記、個、工、返る、飛

佢學曉左好多字＠０＠做咩突然佢咁叻架－０－實在太多啦，唔cap相囉～見佢快高長大，又學曉咁多字，真係開心　＾＿＾