2006.05.31 永別了~ 白老鼠魚~

第一代的白老鼠魚, 終於都升天了 >"<
佢好勤力的 (佢係一條工作魚), 好乖, 從不偷懶, 認真的工作...
到佢最後, 死時還躲在大石下, 感覺蠻像狗狗似的, 死時不想讓人看到...

白老鼠魚... 你安息啦~~~ .．＞﹏＜．.

　

2006.05.29

重回魔力, 雖然又開始忙碌的生活, 但好開心 ^0^

開心可以又同班fd 一齊玩~

開心又可以撞返以前魔力識既朋友~

開心又可以見返自己辛苦練返來的角色~

開心又可以練下技升下lv =0=v

哇卡卡~~~

　

2006.05.28 [短片] 日本AV女 vs 喜劇演員

笑死!! 講明呀~ 有三級成份的 @0@ 未滿18歲既小朋友, 唔好睇呀 @0@~~~~!!!


Japanese comedian vs AV actress

URL: http://www.youtube.com/watch?v=ff1KrxG3sTk

2006.05.28 第一次．．．

第一次踢人字拖落街 －０－
感覺好free... 但... 唔係好識行 =___=
都係唔係好摜著人字拖出街 = = 但.. o係屋企著又冇問題喎 =___=

奇怪~ 奇怪~

2006.05.27 喪訓的一天

早上十點, 被 Jessica 的山窮水盡電話嘈醒。

這個朝早沒有打機唷~ 勁!

早餐: 麥當當。

傻佬向旺角進發, 目的是再次為金魚缸再添生氣。

而我...

回家開始魔力~ 嘿!

但... 好景不常... 我睡著了。

我意識到自己將會撐不住... 潛意識的「登出」... 幸好保住了尚餘的少數卡鐘 =___=v

一睡... 到現在 =___= 晚上七時咧~ =___=

中途被數個沒有來電顯示的電話嘈醒 \ _ / 但我又可以好快咁訓返 ^0^v

尋晚亞細本想約我(唔記得有冇傻佬份啦)出街食飯+睇戲~ um... 亞細, 唔好意思, 今日我完全冇左回事 =____=

(魔力小插曲: 哇! 頂丫! 乜而家醫傷加左價 =__= 白傷變左 120, 黃傷變左 240 =0=!! 咩世界="=)

後補:
由於中途醒過好幾次, 所以d 夢都一節節 =___= 記得既畫面有:

- 同大細爸去左海洋公園 =__= 本來係想去睇水母的, 點知, 細爸死都要去睇「xx館」, 忘了係xx >"< 換來既, 又係大爸既一輪轟炸 =0=

- 同Carmen, 洛文, 傻佬, xx (<-- 唔記得係邊個 =__=) 一齊迫巴士! @0@ 我地玩到傻了~ 洛文更加傻 = = 亂咁大叫, 差d 比人打 =0= Carmen 挺身而出去... 先打洛文 =___=。後來落車, 係o係西環創業o個度落, 但奇怪既係, 平時o係山邊o個度停車, 但發夢係o係商場o個邊停車 = =" d 車門位置唔同左 =__= (咩車來架 = ="), 一個二個大袋細袋咁拎, 我拎左一袋惠康既, 但, 我地好似冇人去過惠康買野 = = 但佢地又話係我地既 =__= 點知, 拎拎下, 發覺個膠袋穿左一半 =__= 我拎得好辛苦, 但佢地竟然冇人理我 >< 我發脾四, 踎o係度唔凸行, 佢地行到去街口先望返轉頭, 仲唔過來幫我拎喎! 脾四升級! 拎袋野入面既野出來, dum 佢地! 我記得有2支李錦記, 1支唔知係乜, 1支唔知係乜 =__= 總之係4支野玻璃野 =___= dum dum 下, 有個police 企o係街頭 =0= 嚇死我 =.= 我驚佢捉我周街dum 垃圾.... >"<

　

2006.05.26 沒心情的一天

今天, 沒有任何開心的心境。

不停的做.. 做.. 做..

放工, 難得個天仲好光~ 好白~ 有一種好特別既感覺...

覺得自己好似岩岩放完監咁 =__=

　

2006.05.26 跨大報導?!

[蘋果日報] 港 大 畢 業 生 年 薪 最 高 89 萬
【 本 報 訊 】 經 濟 好 轉 ， 大 學 畢 業 生 薪 金 大 幅 改 善 ， 香 港 大 學 昨 公 布 該 校 去 年 畢 業 的 打 工 皇 帝 年 薪 高 近 90 萬 元 ， 各 人 每 月 平 均 薪 金 也 達 14,214 元 ， 月 入 逾 30,000 元 有 百 多 人 。 港 大 就 業 指 導 中 心 總 監 李 蘊 彤 指 ， 畢 業 生 的 薪 金 創 三 年 的 新 高 。

*********************

報導有冇跨大?! 用意何在?! 是在安慰現在的讀書生?! 一或是在激勵剛畢業的大學生?! 或是在愚弄我地呢d 打工仔?!

而家呢個社會, 大學生出來的, 我相信, 十個未必有一個會好似報導所講...

$14,214... wow~ 自從VTech後, 呢個數字對我來說係遙不可及...

呢幾年, 我好後悔我係一個大學生, 我做咩要花錢來讀個大學學位?! 大學學位有用嗎?! 我唔覺囉... 起碼, 對我來說, 沒用 =____=

唉~ 唔想再睇呢d 報導, 但無奈, 總有機會比我知有呢d 報導....

　

2006.05.24 從心的感受到

雖然那是小小的一件事,
但我已能深深的感受到你對我的關心及呵護。

多謝你... =3=。。。

　

2006.05.24 請假行動

上一個月月初, 曾向兩位大細爸說過五月尾或許maybe可能會請假...

前陣子也與細爸提及過... 當然, 我知道同佢講是沒用的 =___=

剛剛大爸叫我下星期開始做 KPI 的 project, 我也提及「到時我或許maybe可能唔o係度」... 鈍時間, 我感覺到我頸背有股寒氣, 我相信大爸是想"鍊"我, 但沒有做到... = =v

雖然我對五月尾的「請假行動」一直都沒有抱著成功的希望, 並且也沒計劃會有甚麼活動, 但, 或多或少總會有些失望。

長年累月的工作, 其實一兩天的假期也不能補償甚麼, 但總比沒休息的好 =___=。

往往眼見其他同事請假, 總有點羨慕的感覺 (就算是病假也好! = =v 開始有點兒變態 =__=)

這公司, 一年只有七天的年假, 但我一日也請不到... 但又不能累積至下年...

我會有機會一口氣請七天的假期嗎?!


　

2006.05.24 無聊試試

記得之前睇過d 文章, 話可以"吱"隻mero...
無聊試下~
真係得架! 好得意!!! 勁攪笑!!
吱到我都忍唔住笑~ 哈哈哈~!!



　

2006.05.23 [短片] Nintendo Wii

唔知到時香港有得買既話, 我忍唔忍倒呢?!!@@

但... 首先... 一定要買返部畫面質數好既電視機 =___=

仲要.. 要有足夠既空間玩 =__=

carmen... 你間房唔得架啦 =___=v


E3 2006 Nintendo Conference Wii Video 1


URL: http://www.youtube.com/watch?v=6RUKkWRK9gU


E3 2006 Nintendo Conference Wii Video 2

URL: http://www.youtube.com/watch?v=m0aXYQkyFXk

2006.05.23 聾貓-巴士亞叔

最近城中熱門話題:「巴士亞叔」~ (估唔到連大爸都知 @0@!!)


聾貓斷「貓巴士」之後另一傑作!!





資料來源: http://www4.discuss.com.hk/viewthread.php?tid=1569754&extra=page%3D1

　

2006.05.23 一飛衝天!!

好得意呀 >"<~~~ 好肥 =___=

　

2006.05.22 舊mon老化

個mon... 幾年啦~
前陣子佢玩淺藍系列 (即係, d 色全部變晒偏藍 = =")
今日, 佢玩粉紅系列 =___=
唔想又o徒錢買過個mon 呀>"<~~~~~~~~~~~~~
生性啦 =___=|||

　

2006.05.22 [短片]日本折磨人節目

前陣子亞雷同carmen 都send 左呢個短片比我睇, 我未有時間睇~

點知... 一睇... 笑死我啦!!!!!!!




短片來源: http://www.youtube.com/watch?v=6wzMJ_RdgHg

2006.05.22 電話狂響曲

公司個mail server down 左~ (再一次...)
公司的電話不停的響呀響~ 響呀響~
我也有好幾次要幫手聽電話 =___=

細爸! 加油! 快d 整返好去...
如果唔係... 咁嘈... 我做唔倒野 >"<~~~~~~~~!!!!

　

2006.05.22 沒牆紙的mero

點解有d mero 會冇牆紙既? 一或係其中一款牆紙來呢??
我都想咁樣呀 >"<~~~

　

2006.05.21 下雨天的weekend

天文台又話呢個星期六同日都好天...

又再一次受到欺騙 >"<~~

本來打算睇早場.... wa~~ 又加左價!! 早場都要$40... 連埋手續費, 咪即係$46??
唉~ 從始都好少機會去睇戲啦 =____=


　　

2006.05.19 米電之聚

米電尋晚見倒「佢」, 今朝msn左我~ 之後就展開了一段笑死我既對話 @0@!!!
好耐冇見呢個準新娘啦~~ 所以口痕咁約佢今晚食飯~ 點知咁易就得左 @0@!!!
當然搵埋傻佬啦~ 話晒米電係傻佬既愛人~ wakakaka~~~!!!!

七點鐘時代廣場等, 我呆等了十五分鐘 =____=
到齊了~ 傻佬開始轟炸米電, 皮膚呀, 手呀, 樣呀... 係咁踩佢! wakaka!!!
去金雀進發~!!

我地3個人發癲啦!! 每次都係咁, 3個一齊既時候, 會笑死唔停口 =___= 我地好似傻左咁 =__=
食完野, 行左陣, 米電就要去搵佢既「未婚夫」囉~~ (好老土 = =" 枉你咁都叫得出 =___=)




好想同某人講 (保羅先生! 雖然我知你唔會有機會睇倒呢篇野! 但我都好想同air講呢番說話!)
「抵你死!!! 你活該的!! 雖然米電係煩女人! (呵呵~~!!!), 但你當年咁對佢! 你而家既下場, 係個天來懲罰你! 你想同個天鬥?! 鬥咩?! 你憑咩同個天鬥?! 你呢個人渣! 個天都費事理你! 你快d 收啦! \ . / 凸 而家米電好幸福! (當然冇我咁幸福 = =v) 你唔好諗住去破壞人地! 你自己呢埋一二角發作啦!!!」


米電:
叫錯你個名添@@ 應該叫你「麻婆豆腐」 = =v wakakaka~~!!!
見倒你, 我真係好開心架!! ^0^
你呢個恨嫁的女人, 想當年, 你仲叫生叫死, 為左個人渣唔開心咁耐~!!
我付出都好大架~ 拿! 我間屋... xmas... 我又同你靜靜的行旺角, 又為左你詛咒個人渣喎@0@ 話時話, 我可能因為咁而短命幾年架 =___= 你... 你要對我好d 唷~~ >3<
anyway, 我同亞仲會撐你架! 我同佢一直都係你既support!! 係你既backup!! 係你既lover!!! 哈哈哈!!!! but... 你... 真係瘦左好多 =___= 殘左好多=___= 你年尾做新娘子啦! keep 好d 啦!!!!! 噲~~!!!


　

2006.05.19 新種子 - 黄色ちょうちょ (黃色蝴蝶)

比我執倒啦 ^0^

種子 (黄色ちょうちょ)

種子圖鑑

花花

　

2006.05.18 風之飛行遊程

風向格格進發! 加油!!

第一次.. 比我打飛了 =___=

第二次.. 差一下, 也飛了 =__= 忍耐多一下... 就可以ko 架啦 >"<

聽晚再出發 @@

其中小插曲@@ 十十用反擊 @@ 個王又係反擊王@@ 精彩! 佢地2個係咁反 =0= 笑死我地 >"< 最後, 十十反到傷左 =___=


　

2006.05.18 眼

唔知係咪最近精神唔好, 對眼又累既關係, 而家戴con, 好快會眼矇, 就算滴左眼藥水, 都係好快就矇...

一或... 係個人開始老呢 =___=

　

2006.05.18 不曉長大的mero

Woon'z... 佢唔曉長大　/___反而 咩囉仔 間唔中會自己 +5 個成長度... 以前 +8, 而家 +5 咋 / . 仲要係... 唔係日日都有 = ="
究竟個site 係跟據d 咩去加呢? = =
連食字都冇 >"<~~~

2006.05.18 終於...

o係自己個mero 屋企執倒圖形窗 >3<~~~

　

2006.05.18 無良的大宇...

諗緊都諗唔明, 我比咁多資料佢地, 佢地都唔比返d 會員資料我 =___=
如果我係爆人地個acc, 我會知道o個個account 既會員編號嗎? 我會知o個個acc 既地址嗎? = =
唉~~~ 無良 =___=


　

2006.05.17 好靚呀~

張牆紙好靚呀 @0@~~~!!

人地架 =____=

2006.05.17 又係咁...

哎呀!! click 左一個鐘倒 = ="

遇到2粒豆...

都好開心架啦~ 有熊貓椅 @__@v

但... 2粒都係 =___=

做咩成日都重覆架 >"<

2006.05.17 命不久已...

再一次... 部舊既電腦又唔知做咩事, 問「人」, 佢只會講「抵死」... 完全冇打算幫我睇/整...

唉~ 當一個人有新野時, 就唔會理人地既舊野, 咁又係既~ 部腦都唔係佢用~

但, 呢部腦, 以前佢成日霸來玩Diablo 架喎!! now, 完全係「貪新忘舊」啦 =___=


玩玩下魔力, 每當有人轉寵時, 畫面就會花到乜都睇唔倒 = =
都唔係既~ 好在d 字仲睇得好清楚 = =
唯有叫佢地聲控我 =___=

唉~~~~ 咁樣.. 點玩 /____\

　

2006.05.17 中國銀行好唔掂！

今日lunch時落去中銀度申請返online banking, 激鬼氣!

幫我填form 申請o個個女職員, o係度煲電話粥! 一邊煲一邊同我攪 =___= 後來叫我填form, 我有野唔明, 要等佢煲完先問得 =__= 佢仲要個態度好似話我做咩填咁慢都未填完~!! 大嬸呀! 我唔知個field 填乜要等你煲完先可以問你架!!! \ _ /

好啦~ 後來d 表格攪掂晒, 佢拎d 資料入去d counter 後面, 要我等陣, 咁我都明既, 佢地仲要攪其他野, 我咪等囉~ 點知, 一等就等左25分鐘!! 完全係呆等!!! 但, 我見倒, 有d o係我後面比資料既人, 竟然係可以快過我走囉!!! 好無奈!!!

仲有樣野好攪笑~ 咁我去大嬸度攪手續之前, 係有個鬼佬問佢野既, 咁大嬸講英文係好正常~ 但係... 個鬼佬係講普通話架!!! 仲要好流利 @0@~~!! 唔通個大嬸唔曉國語???

仲有! 我要投訴個保安.... 佢... 成鬼日牛咁眼啤住我 =0= 喂! 我有著衫架! 唔駛用咁猥瑣既眼神.. 望足我o係度等既25分鐘!!! 你係咪盲架! 咁都好望!! \ _ /凸

好激氣! 估唔到攪少少野, 做野既效率可以咁慢!!!


　

2006.05.17 準時下班本來就是應該的*---摘自天下雜誌

準時下班本來就是應該的*---摘自天下雜誌

企管專家認為，不管辦公室有多少工作，時間到了最好就離開，不僅如此，最好五點就下班。
怎麼可能？那麼事情更做不完…你心裡不以為然的想。
先別急，聽聽專家的理由是什麼。

1. 讓你更有效率：
多數的辦公室工作十分繁瑣，沒有明確的開始與結束。
正由於事情千頭萬緒，你很容易這個做一點、那個進行一半，結果沒有一件有結果，迫使你以加班來趕工，一方面也安慰自己的心理。
但是，如果你的下班時間是五點，那麼你就得盤算一下，在一天有限的 時數內，該先做那些事？
少和同事聊天，多用點時間思考都好！一昧埋頭長時間工作而不思考，容易做虛工，而且會失去看事情的整體觀。

2. 對你的上司有教育作用：
不要過度擴大上司的期望；如果你常常讓上司看到你留下來加班，他會開始認為你很願意加班，久了就變成你應該加班。不要讓上司以工作時間的長短來評估你的表現。

3. 對你的屬下有教育作用：
讓你的屬下學著在有限的時間內，分配工作的優先次序。明確的表示你下班就會離開，到時候他們應該完成的工作或報告，就應該交到你桌上。

4. 迫使你釐清價值觀：
想清楚你生命中最重要的是家庭或是工作？當然不加班、不拼命工作，可能讓你失去許多表現機會，錯過加薪與升遷。但是你不會辛苦工作像條狗似的，到了四、五十歲，突然覺得愧對家人 、愧對自己的生命。

5. 讓你走在時代尖端：
企管顧問觀察到一個趨勢，這兩年愈來愈多的人認為，生命中比工作重要的東西還有許多；工作時間長的人不再被視為英雄，反而被看成不懂生命的人。現在懂得拒絕長時間工作的人，將是未來的領 導人物。

6. 讓偶一為之的加班變得有趣：
常常加班，同事之間會生膩，合作的興奮感也全無。如果大家平常準時下班，碰到緊急狀況或工作時，大夥晚上一起留在辦公室；有人從外面提了便當走進來，一邊吃飯、一邊討論，這時候很容易顯出團隊合作的革命情感。

7. 讓你免於枯竭的惡性循環：
你愈加班，愈覺得事情做不完； 愈覺得事情做不完，工作就拖的愈長。 這樣的惡性循環遲早會讓你崩潰。

8. 讓你善用休閒時間：
工作之餘的時間不應只是休息、睡覺，以便讓你第二天有精力繼續工作 。
何不培養些興趣？如果你五點下班，你可以有時間去學外語、去彈吉他、參加才藝活動，這會讓你成為一個更活潑、更有能力、更有趣的人。

9. 會讓你更健康：
並不是抽空去打球、上健身房、跳韻律操才叫使身體健康，人的身體也 需要其他的方式來維持活力。
比方說慢慢的品味一個甜美多汁的水蜜桃、靜靜擁抱你喜愛的人等等。
而這些都不是每週工作五、六十個小時的人所能做的。

10.讓你更懂得去愛：
你是不是很久沒有和三、五好友一起說笑狂歡了？
你是不是每天都和另一半、和孩子或父母匆匆打個照面？
你是不是難得和所愛的人交換生活的心情？
五點一到，放下你的工作，多接近那些對你很重要的人。
以後他們記得的不是你的升遷、你的成就，而是和他們共處的時光。

各位今晚唔好咁夜走!!
文章提供: 安部

**********************************************
我都好想可以好似篇野咁講, 準時走人@0@
但, 又實在做唔到 =___=
不過, 我都已經盡量襟住自己, 唔好咁博命架啦 = =v

但, 亦都想講一句...
「你唔做呢份工, 大把人可以做你份工」 =___=
　

2006.05.16 可惡！又係「你」！

mero開始一得閒就執豆...

可惡! 今晚2個鐘內都係「遇」倒3粒豆...

仲要...

呢3粒豆都係傢俬...

仲要...

呢件傢俬我一早已經有 =__=

即係, 執左都冇用 =___=

吼~~~!!!

　

2006.05.15 白費

白費心機! 仲要用左6點 =__= 仲要挨眼訓 =_________=


　

2006.05.14 母親節... 我拷!

今日係母親節... 兩個字「無聊」 =___=

唔想見倒佢, 又要塞住佢把口, 唯有買d 野塞住佢!

仲要我老遠由西環拎去屯門, 都好~ 反正傻佬佢又返屯門, 就當行街算 =__=

三姐妹夾, 抵! 而我家姐... 佢就請亞媽飲茶 (cheap lay =__=)


同傻佬由屯門去深水x, wakakaka~~ 由長沙灣去深水x 既沿途, 見倒個傻傻地既女人... 勁攪笑!! 佢著白色短裙, 黑色絲"物", 帶住個頭cool, 後面d 頭髮好亂... 佢一邊行.. 係一邊扮可愛咁咬住隻左手食指 @0@~!!!! 完全係全街既蕉點!!

點知! 我地等車返西環時, 又見倒佢行返轉頭啦!!!!!! 笑死!!!

返到家, 執機預備format =__= 亦都一邊魔力 = =v 哈哈哈!!

　

2006.05.13 文化日

一早起身去銀行攪野.... 冇錯! 係攪野 @__@

之後搭船去左TST, 本來打算去太空館睇野, 但miss 左o個場 = ="

後來去返那個xx中心, 有小學生既咩咩音樂表演 @@ um... 有d 好好聽~ 有d 就.... =____= 就係咁, 我地企左o係度聽表演... 企左兩個幾鐘 =__=v 鈍時間覺得自己好有文化氣息 @__@v

之後等安部同小紅, 行左一陣就殺去「壯陽苑」!! 好好笑! 亦都好熱氣 =___=

後來老師o係M記開攝影班~ 我就打機 = =v 嘿~~~

返到家, 入月費, 幫白小姐就職巫巫, 去打比比.... 靠!

第一次: 白小姐比刃合飛了 = ="
第二次: 白小姐... 明明可以就職的... 但...唔知佢揀左d 咩野呢?! 就唔倒 =___=
即係, 佢要去打第三次先得 =___=
我唔得啦! 死左去訓 = =v

打比比途中... 預倒嚇人事件 @0@~~~!!!
遲下post 相上來 = =v



　

2006.05.12 和民歡樂夜

亞細! 我比晒機會你唔遲到, 點知, 你為左保住「遲到男」呢個美譽....

今晚好開心...

第一幕 - 「和民萬歲!!」

第一幕 - 「狂渣男」vs「被渣女」

第二幕 - 「不知名的舊同學」

第三幕 - 「同台 sms 萬歲!!」

第四幕 - 「飽死萬歲!!」

　

2006.05.12 四色小野花~~!!

果然係 Happy Friday!!!!

又執倒稀有系既種子啦~~ ^0^


稀有系－四色小野花　　　
取得難度：★★★★☆　

蔥呀蔥~~ 幾時比我執你呀 >"<~~~~~~~~!!!

　

2006.05.12 竹筍呀～～！！

哇卡卡~~ 真係 Happy Friday!!

比我「真係」執倒竹筍啦!!!

好野~~!!

稀有系－竹子　　　

取得難度：★★★★☆

竹筍呀~!!


我到現時為止既種子 @0@

　

就係咁架啦~~!!

　

2006.05.12 聾貓

哈哈~

圖片提供: Calico

2006.05.12 快速烚薯仔去皮法

Jessica send左個email 比我~ 好勁@0@!!!

好管用!!!! ^0^

有關網站: http://www.youtube.com/watch?v=37GVvxcyz6I

2006.05.11 嘿

我地成班, 變左魔力既高lv 新手 =___=

「銀行o係邊架?」

「3.0 o係邊架?」

「點用黑記返舊城呀?」

「我迷路...」

一大堆唔應該問既問題... 出現晒 =___=

o係入面, 撞倒3個舊fd, 哇~ 仲玩緊架 =___=

而細佬比左隻牛我玩~ thx ^0^ (但... 隻牛太高lv, 我個傳用唔倒 >___< 唯有放o係格格度先)

笨村, 你話過送隻「地精」比我架~ 唔好賴數 =___=v

雖然, 起初玩魔力時有不快事件, 例如, 有人比人call 左出去食飯啦, 例如, 有人返左大陸又話下晝返點知夜晚先返啦, 例如, 有人話會online但又遲遲都唔見人啦等等... =___=

同風申兩申, 都係o個句啦~ 算啦~ 應該都慣了~ 仲咁勞氣做咩呢 =___=

同笨村msn, 傾到佢地o個邊團出發, 我呢仲係呆等中... =___=

明架啦~ 要有個心理準備, 已經唔再係以前玩魔力咁, 為左打王解任, 怕斷線會約埋一齊一朝早去網吧打機, 之後去食飯... 而家冇呢支歌仔唱啦 >___<

　

2006.05.11 回歸魔力的第一天

家族成立, 但... 個個server 都full 晒 =___=

迫於無奈, 要去雙1 開家族 =____=

「聚散居」成立 ^0^

　

2006.05.11 大爸的康鈣Ｃ

頭先大爸比左粒我飲... 飲完之後...

好想嘔 >___<

　

2006.05.10 mero官網更新

哇~~ 咁樣好好多 @0@ 又可以click 佢做動作 = =v

又有傢俬可以換 @@ 不過唔知點先有新既揀... 唔係又係執卦 =0=

又可以send mail 比人喎 @0@~~

唔錯~ 唔錯~ 多野玩左 ^0^

　

2006.05.10

「路宿者之家」、「臨時宿舍」、「無聊樂園」、「荒島」、「不想長大」、「搵我地唔倒」、「永不齊人」、「孤獨城寨」、「神龍教」、「無人駕駛」、「情空」、「隱形島」...

太多... 記唔晒添 =___=

　

2006.05.30 累死

今晚同尋晚一樣... o係公司做到九點 =.=

返九點, 放九點 =.=

比細佬贈了一句「義氣爆燈」 =___=

多謝... =___=

2006.05.10 原來mero...

岩岩先知~ 原來o係mero 度按space... 即係等於轉「手」拎住佢 @0@!!!

大發現 @__@

後來, 再去d site 度睇... 原來都有好多「學問」 = ="

乜呢隻咁既野... 都咁多野攪架 =0=

　

2006.05.10

前陣子同細佬交換電話用~ 乜... 佢隻手咁大架 =.=

我到而家... 仲未練倒一隻手用佢部電話 =0=

　

2006.05.09 回流魔力研討會

前陣子登入魔力, 好懷念~ 仲比我見倒以前既fd, 仲玩緊 = =

同返班魔人講, 點知... 原來蝠頭有玩小時制 @__@ 而其他人都想玩返 @__@v

就係咁, 為左呢件事, o係msn 度一齊傾 =.="" 分別有我, 細佬, 遙, 風, 蝠頭, 笨村 =0=

嘿~~ 好野! 好想好似以前咁玩得咁開心~ (希望啦~)

搵倒戰友一齊玩, 我就會玩, 而搵唔倒既話, 最多咪唔玩囉 ^__^

唔想再勉強別人同我一齊玩 @@ 玩就一齊玩, 唔玩都冇所謂架 ^0^


　

20060509 mero: 紫色繡球花(紫色蝸牛)

yeah~~ 我又執倒種子啦~
今次係...

普通系－紫色繡球花(紫色蝸牛)
取得難度：★★★★☆

開心 ^0^

紫色蝸牛(種子)


轉左花就係咁架啦~ ^0^

　

2006.05.09 再一次...

證明你係遲到男 =0=v

冇得推翻 =0=

2006.05.09 身份轉移

終於完左那個好亂的關係...

家姐(佢) vs 細佬(我) = =

轉返做一個正常既關係...

家姐(我) vs 細佬(佢) 囉~~ 哈哈哈!

咁樣應該自然d~

不過點都好~ 我同你咪又係咁樣樣! 噲~ 都係冇計的 = =v
wakakakaak~~~!!!

2006.05.07 還我竹筍!!

可惡呀!!! 無意中又比我見倒有我鐘意既「竹筍」種子~ 開心死啦!!!

(竹, 又係稀有品種, 又係5粒星爆燈架 >"<)

點知...

種子呀!!!

拿~~ 佢話我拎倒架!!!

點知再click ok... 又彈error 畫面!! 可惡!!!!

嗚~~~~ 還返比我呀!!! >"<

2006.05.07 人肉放水機

Mission Impossible 3... 實在太正啦 >"<

http://www.missionimpossible.com/

　

好鐘意Tom Cruise >"< 好型呀!!! 呢集好睇過第二集好多 @o@!!! 那個甚麼吳宇森... 垃圾 =.=

　

朝早睇完戲, 就去左中環影相, 幫公司影, 幫公司慳返成千蚊去買o個d 垃圾相片cd = =" 諗下諗下,

我做咩要幫公司慳 =.= 又唔會比返我既 =.=

　

影到身水身汗 =.= 累死 =0=

　

後來去左灣仔電腦城, 引左傻佬供多部電腦 = =v 「大成功!!!」 @o@v

　

今日, 真係熱凸死! 件衫好快就濕晒, 我地頂唔順就入左去d 冷氣地方, 等到件衫乾, 又再出動 @o@ 如是者... 又濕又乾, 又濕又乾... 唉~ 好想去沙灘 >"<

　

聽日就要返工啦~ 好唔想返... 好抗拒... 唉~~

　

「諗下好啦! 比心機做野啦!!」

　

2006.05.06 暢遊沙田市中心第五層

查實o個度係咪叫「沙田市中心」... 唔知 = =" 我係比人拐去的 =0=

「笨姐出血大行動」由沙田開始 @__@ 不過, 事先提一提, 佢... 又遲到囉 =0= 「遲到男」呢個美譽, 實至名歸 =0=

去到沙田市中心, 佢好熟路咁就拐左我上五樓, 睇呀睇, 買呀買 (P.S. 係佢唔係我=0=), 一袋二袋... 我就間唔中做下書僮, 一齊"目及"下女 = =v wakakaka~~ 佢d taste... 唉~ 唔怪之得佢成日比人呃啦 =.= 咁都話OK = =

夜晚, 先由「和民」, 轉去「南山谷」, 最後決定都係返西環壽司屋度食野~ 佢要感受「大福雪糕」的威力 @0@~~!!! 但... 上小巴前, 佢竟然好唔match 咁買左條「油利so」同「煎堆」= ="

唔好意思 >"< 我set 個風口位對住佢... 佢後來... 奶野 = =

估唔到, 笨姐真咁細食... 佢唔係扮架喎 @__@ 我食到... 半成都冇, 佢就話飽 = = 咁我冇理由仲食架 >"< 唯有下次再來 = =v

嘿~ 大福雪糕來了 @0@ 笨姐食左 1 1/4 個, 而我就食左3/4個, 我o個1/4個... 比佢吞了 =0=

「唔該, 我可唔可以要多個雪糕呀?」
「哎呀! 唔好意思, 我地冇晒啦~」

就係咁, 佢好down =0= wakakakaka~~~!!!

我比老板娘話我做咩成日傻笑 =.= 噲~ 咁講緊d 好笑野, 咁緊係笑架啦 >"<

之後又去左老地方吹水, 冇乜風, 舒服~~~!!!

返去啦返去啦!! 走啦走啦!! 佢要返去暴走 =0= 知啦知啦! 你要同pp 練功嘛 =0=



　

2006.05.05 馬灣+深井之旅

一早起身, 等carmen 佢地起身 = =" 因為今日既行程都幾豐富~ @@

(Hebe 冇去, 因為佢揀周公...唔好到時又話我地唔叫佢去 =0=)

先去 馬灣 同p女影相, 之後就去 深井 食燒鵝 @_@v 我咁大個女都未去過 @o@v

點知... 佢地又係比預期既晏起身 = ="

十一點幾, o係荃灣滙合, then 去左一間成日都有好多人話好食既雲南米線度食, 哇~~!! 真係排長龍喎~ 有冇咁跨呀?! 我地後來, 被安排左去o個間野轉角小巷上樓梯既一個冇裝修過既一個「單位」度食野, 入面有幾張台咁大吧 =0="" 我地已經嚇親 = =" um... 結論呢間野.... 「完全唔掂!」=.= 都唔知有咩好食 = =" 去南記食仲好味過呢度 = =" 價錢又唔係話平, 都要成2x蚊架! 仲要野飲另計 =0= 有咩咁出名呢? 唔通... 呢度只係出面大碗? = ="

後來好唔滿意咁食完呢個「早餐」, 就出發向碼頭進發~~

行到去碼頭, 哇~ 班船要兩點先有, 要呆等半個鐘... 咁呢半個鐘做咩呢?! 我地就o係度玩相機啦 = =v wakakaka~~~ ^0^

上到船, carmen 即刻拎個細女出來影相~ 哈哈哈! 我地咁又玩到落船 @0@

落到船, 即係去到「柏麗灣」... 好有渡假feel = ="

我地正式開始今日既活動啦... 行... 行... 行... = = 好累 = = 又係好似變左行山咁 =0= 後來行到去舊村 @__@ 好有feel @0@ 又係影相既時間啦~ (查實我地都有不停咁沿途影相~ 哈哈哈!) 一個咁細既地方 (我指舊村既碼頭), 都可以逗留個幾兩個鐘 @o@!! 而且o個度, 好近「吸水門橋」 @0@ 好壯觀 @o@!!

o個度... 我就好似o係度餵蚊咁 = =" 嗚~~ 捐血日 =___=

後來又行... 行... 行... 行到起點 @0@ 就係咁, 我地圍左馬灣行左一個圈 @__@ 好累 = ="

o個度, 好近距離咁見倒青馬大橋~ 我地又不停咁玩影相 =0= 笑死我!!! 例如, 我地玩跳高影相... 但.. 點解... 張張相... 傻佬都係腳貼住地既 = =" 佢跳唔起? @o@

返去囉~ 回程去深井!! 搭船再轉bus~

累死人!!

去到深井村... 哇~ 好多燒鵝舖 =.= 間間都話馳名 =.= 我地又唔識喎~ 就去左最多人, 個招牌又大o個間 @0@ 「陳記」!!!! .............. 一個字...........「正!!!!!」 (嘿... 嘿...) 點正法... 非能用筆墨來形容 @o@!!! 而且又唔係貴喎 @_@ 每人大概$100~ 後來去左「發記」食甜品~~ 正@o@!! 嘿~ carmen 同傻佬食「意大利涼粉」... 好似食虫咁 =.= 後來carmen 同傻佬o係度玩o個d 類似西米露既物體.. 笑死我啦!!!! 而當傻佬發作時, 亦都係第一次聽倒洛上笑到咁喪@__@ 我有少少嚇親@0@!!

兩個字.......「飽死」 =.=

九點幾十點倒散隊囉~~ 累死 >"< 全日.. 真係好累, 但, 好開心!!! 呢一日, 我諗起兩個人, 一係笨姐, 二係小安~

小安: 我地下次出來影相, 你來唔來玩相機呀?

笨姐: 我一邊玩一邊諗, 如果你又來就好囉~ 可以一齊玩~ 但, 我地影女女相, 你來又怕你悶... 下次我一定會同你去深井度食燒鵝架!! 信我!! 等我電話!! (嘿~)

　

2006.05.05 又有新野啦@0@

今朝去其他人既Blog, 見倒miniworld... 好似幾得意咁 @0@

入面又有得寫日記, 有留言板, 又有得放相 (<== 未研究)...

又靚又得意喎 @o@ 嘿... 兩邊都打下先 = =v

睇心情打邊邊啦 ^0^~~!!!

前陣子整左sub domain, 易記好多~

http://im.sorsorday.com <== 去呢度既 ^_^

http://winnieis.sorsorday.com <== 去miniworld既 ^0^

　

2006.05.05 百佳－．－

發夢...

o係百佳度做收銀員 =.=

那個男經理, 駛唔駛咁呀?! 話晒我都係新來丫~ 成日都針對我 =0=

而其他同事, 態度極差囉~~!! =0=

o係o個度做野, 好似要自身自滅咁 =0=

後來, 當然換紙時, 見倒黃乙晴 @0@!!! 佢來買野~ @@

而那個該死的男經理, 原來一直都"目及"住佢 =0= 對佢有意思架 @0@~~!!!

後來, 紙都未換好, 醒左 =.=


　

2006.05.04 可惡！

執倒椰子．．．但．．．　出咁既畫面！！！

2006.05.03 新成員

心血來潮, 又玩多隻mero ^0^

我隻小水滴個名叫「咩囉仔」~ 哈哈~~

　

2006.05.03 哇！！！！

mero... 終於比我執倒我鐘意既白色植物啦!!!!!!

~種子~

就係咁架啦~ ^0^

　

後來搵返, 呢隻植物叫「樸樹仙人掌」, 難執程度有5粒星架!! (爆燈 @0@v!!)

　

2006.05.03 晴天霹靂

笨姐!!! 加油!!!!!!!!!!!!!!!!!!!!!!!!!

頭先聽倒你個消息, 我都好shock 架!!! 我都估唔倒會咁!!!!

我都好down ~~

我好想幫你 >"< 但我知我都幫唔倒d 乜 >"<

希望有其他人可以幫倒你啦~~~~~!!!!

或者, 有d 咩我可以幫倒手既話, 你盡管講丫~ 睇下我幫唔幫倒你!! >"<

　

2006.05.03 義氣指數

4月份既義氣指數比3月份的多了少少

而呢4月份, 額外「付出」的有... 兩星期多的病...

那多出來的少少, 算係「醫藥費」來的嗎?

不要緊了~ 因為義氣的quota 差唔多沒啦

而那種「雄心」也不見了~

唔計尤自可, 一計就把凸火... 一小時的義氣, 只值大概二十個大洋...

真懷念以前那V記時, 一小時的義氣, 有五十個大洋呢 >"<

誰說現在的經濟好轉了?! huh?!

　

2006.05.03 噲～

噲～　尋晚訓前同笨姐玩sms, 笑死我啦!! 丫~!! 我駛唔駛改口叫佢做王杰呢? @0@

頂佢丫! 尋晚紅雨, 一起身仲落緊狗屎! 一心以為可以有黑雨! 點知... 降到去黃雨 =0=

日本而家係咩節日呢? 每隻mero 都有支「鯉魚旗」呀~ 好得意 ^0^~~!!!

　

2006.05.02－笨姐受難日

你...都唔知話你好彩定唔好彩~
往往成日有d 咁既事發身o係你身上~
um... 希望雙方, 丫~ 唔係, 係多方面都可以平安渡過呢個「難關」啦~~

「朋友」既定義, 究竟係咩呢 ~"~

佢係...「夏迎春」定「鐘無艷」呢?

一或「無事不登三寶殿」會貼切d呢?


　

2006.05.02－Livly Island 遇上了WhiskY

@0@ 估唔到威士忌小姐佢又有玩Livly Island ^0^
佢個島仲早過我個島添呀~~~ ^0^
終於遇倒又有fd 一齊玩Livly Island, 我又有返恆心玩好佢囉~ 哈哈~!!
(但, 我仲未好知... 查實玩來做咩呢 =.=)


　

2006.05.01－3/3假期

聽日就要返工囉~ 今日要好好咁「休息」下~

一早起身就已經見倒笨姐online @0@ 勁! 返完夜都咁精神 @0@!!
本來打算搵笨姐食下lunch, 逛下街, 出來吹下水, 但諗諗下, 都係算囉~ 佢返完夜, 要比人休息...
同佢msn 到下午, 佢頂唔順囉~ 呵呵~ 快d 去訓啦~ ^0^
而我, 可以做d 咩呢?! 又唔想落街買野食...咪餓住咁睇卡通, 唔覺唔覺~ 就咁比我ko 左「備長炭」, 同幾集其他卡通片...



好羨慕笨姐有個咁好既娘親, 而佢既blog, 反而羨慕我有傻佬 =.= 本來好想回佢既blog, 但, 佢既死人spaces 好凸慢! 「你快d 轉blog 啦!!!」



娘親, 注定係佢就係佢, 冇得可以再搵第二個人...
而「愛人」, 你仲可以慢慢搵~
所以, 笨姐, 你唔駛羨慕我, 亦都冇咁既必要~ 因為, 你將來一定會搵倒的! 放心!!!
我好開心你娘知道有我呢個呆弟既存在, 真的, 真的好開心~
你說你娘亦都是我娘, 噲~ 我都想, but, 可能佢唔想呢 =___=

如果我娘佢係一個「有少少好」的娘, 我相信我地4姊妹冇理由冇一個唔會話佢好... 冇錯! 我地4姊妹都好唔鐘意亞娘! 佢跟本冇盡過亞娘應有既責任, 只係生左我地出來就算... 有好多野, 其他人唔明的架, 我地幾姊妹最近先「揭發」亞娘的其中一個「真面目」... 太乞我憎啦!! 我地幾個都係佢個女丫~ 但, 佢可以做到, 面對住A, 會講A話, 面對住B, 會講B話... 佢真係當我地幾姊妹分開住就唔會計傾咁~ 一傾之下, 發現我娘不少係大話!!!! 為咩? 咪又係為錢!!!

一個唔會做野, 或者做少少野就話辛苦而唔做野既人, 但卻成日問女拎錢~ 而我地呢? 邊個人做野會舒服?! 我地講話辛苦, 佢就會話:「辛苦都要做架啦! 唔駛食咩?!」, 冇錯! 句野係佢講架! 但佢永遠唔會諗下自己講過d 咩野, 而自己又會唔會做到...

點解佢會咁?! 我地得出既結論, 應該係佢地(連埋我爸)班豬朋狗友, 真係的! 真係豬朋狗友!! 但佢地班豬朋狗友係有錢的! 起碼人地有地起樓!!! 我娘我爹近得佢地多! 想學人!!! 我拷!!!! 凸

我唯有當係前世欠佢地! 冇咩特別事, 唔好叫我返屯門, 唔好比我見佢地! 情況許可之下, 我好想同佢地斷絕關係!!!!!!!!!!!!


　

2006.04.30－2/3假期

一早起身, hea 下 hea 下又到中午, Carmen 才剛起身... 點知今日咁鬼死好天! 可惜已經太晏了~ 如果唔係叫埋佢地出來去下Beach 嘛~ 唯有下次啦~

THEN...決定上山頂行下~ 反正我未去過~ (p.s. 我係指我有「記憶」以來, 未去過山頂, 細細個時有冇去過, 忘了...)

原來上山頂... 即係行山 =0= 哇~~~ 早知好似行山咁, 我就唔著牛仔褲啦 =0= 仲要孭埋個女去 ~"~ 雖然好累, 但總算去過山頂... ^_^ (但.. 今次係搭15號巴士上落山... 我未搭過「攬車」~"~ 當然.. 又係有「記憶」之後計算 =0=)

一路行條山路, 一路都望倒西環、上環、香港仔等既景色, 當然唔少得那個甚麼維多利亞港... 我唔覺得靚, 我第一時間諗倒既, 就係「強戰世界」(有冇記錯?) 套戲... 幻想如果香港都有o個d 外星人來打我地, 咁d 高樓大廈會點呢?! 如果, 香港有海嘯... 咁又會點呢....

香港夜景... 好多人都覺得好靚~ 但.. 我唔覺 =.= 我覺得好老土 ~"~ 眼見好多遊客爭住霸個靚位影相, 真係唔知佢地有咩咁好影...~"~ 而傻佬同佢地一樣, 成日o係度影相.. but, 我知.. 佢係鐘意玩相機多 =.= 所以, 我放過佢 =.= 由得佢玩, 睇住佢玩, 而我, 就慢慢咁享受遠離那個「煩」忙 (真係好煩!)既都市, 享受大自然既聲音同空氣... 不過... 好多蚊同蜘蛛網 \ _ /

回程開始, 同笨姐不停的sms, 「YO! SMS 萬歲!」<=== 不禁從心底叫了出來~ 哈哈! 我要戒口, 你引我唔倒既 = =+ 你食雪糕同雪條... 佢地會幫我報仇的~ 呵呵呵~~!!! 出發向山頂進發時 (先搭叮叮, 後轉15號巴士), o係上環, 見倒呢架車~~~ 勁靚!!! @0@ 仲有好多人圍觀添 @0@ 好在架叮叮咁岩停站, 我可以影低佢 = =v

之後去到中環... 又見倒以下既情境 @0@~~!!!

　


　

2006.04.29－1/3假期

連續三天的假期開始囉~~~

早上與Carmen 到深水po睇/買布~ 原來有咁多店舖架 @0@

中午就返回屯門剪頭髮, um...剪咩好呢? 我又想繼續留長喎... 唯有, 修一修吧~
傻佬佢... 為了不再被我們喪笑佢個頭, 佢決定, 轉下影像 @0@ 修一修, 再做highlight @0@
我都話呢度好過惠姐o個度架啦!!
呵呵~ 你冇機會再xyz 我點解個頭咁貴啦! 你自己都係咁 = =v

下午, 得知亞媽又返左上大陸, 所以決定返屯門老家hea... 不然的話, 我唔會再返去!
睇下書, 睇下tv, 又到dinner 時間, 去左建生食飯 @_@ (Hebe 也回來了)
之後, 就開始傻佬提議既「四方城」=.=
雖然亞媽今晚唔會返來, 但, 廢事到時佢又一早返來, 所以決定搭尾班車返西環算囉~
唔想見倒佢(地)~

累... 返到家...累爆=0=

咁又一日 ~"~