2006.10.28 地海戰記@ifc

如雜誌所講既評語一樣~
但我覺得好ok 呀 ^o^
但... 睇完套野會有少少問題...
地海戰記既主角, 應該係雀鷹...
但呢套卡通, 好似變左主角係亞倫同蒂娜既 =___=

呢套戲未上映時, 己經dl 左首mp3 聽, 好好聽 ^0^
睇戲中途, 蒂娜唱呢首歌時, 特別好聽~ 再睇埋d 歌詞...
好有感觸...

好有衝動想買呢套小說睇..
可惜冇錢 ~"~

2006.10.28 mero的萬聖節

好得意 ^0^





窗外仲有南瓜添~

2006.10.26 地海戰記－早場

今早仲未有得買sat既早場...
lunch 後再去睇, 已經慢了 / . \
好多靚位比人買了 / . \
得返好前既幾行 / . \

照殺! \ . /

仲發現... 日語配音比粵語配音還要貴10~15個大洋 (正價), 傻架 = =

　

2006.10.26 專用風扇

o係煉獄生活了一段日子, 終於用了這把「專用風扇」... 哈哈




　

2006.10.26 失而覆得

原來, 失而覆得o個一刻, 真係好開心好 ^o^

龍珠特典 悟空的交通安全

日本沙畫高手的表演

2006.10.21 魔幻迷宫

正!! 細細個時睇既一套外國片~ 勁好睇!

我地以前細細個既娛樂, 就係不停咁睇錄左既錄影帶 = =
諗返起真係白痴 = =
我老媽佢連香港小姐呀, 新秀大賽呀等既野都會錄, 之後無事做時就會翻睇 =0=
所以, 我地以前屋企有好多錄影帶架! 仲寫晒title, 好整齊的 =.=
而呢套「魔幻迷宮」就係其中一盒既錄影帶 =0=
我記得仲有「Top Gun」呀, 「鐵血戰士」呀, 「小魔怪」呀, 「The sound of music」等既戲....多的事 =.=

Carmen佢買左魔幻迷宮呢隻dvd... 正!!
第一時間問佢借~ 哈哈
可惜唔可以DVD copy / . \ 嗚~~

同傻佬一齊睇, 我就興高采列好期待咁重睇 ^^
而傻佬... 睇左唔夠一陣間就訓左 =.= 做乜鬼同洛文咁似架 = =
我仲記得... 就係因為呢套戲... 我先識邊個係 David Bowie... = = 哈哈哈!!
聽返入面d 歌... 好鬼死開心 ^0^

***********************************************
名稱：Labyrinth (魔幻迷宮)
年份：1986 (上映日期: 1986年6月27日 (美國))
主演：David Bowie,Jennifer Connelly
導演：Jim Henson
戲本：Dennis Lee(story),Jim Henson
類型：Family / Fantasy / Adventure
片長：102 分鐘

故事簡介：
Sarah - 一個充滿幻想力及喜愛閱讀童話故事的少女。在某週未夜，她的父親及繼母因有約會而令 Sarah 在家照顧她的嬰兒弟弟，但她的嬰兒弟弟卻整晚哭過不停，從而令到 Sarah 手足無措，她為了令她的嬰兒弟弟乖乖地睡著，便希望用她心愛的童話故事 - Labyrinth 裏的方法去嚇一嚇她的弟弟，方法是召喚邪惡的 Goblin 來帶走他的弟弟；怎料她的咒語竟成真，結果她為了拯救她的弟弟而依照 Goblin King 的指示，在有限的時間內突破童話故事中，有數之不盡通道的迷宮 - Labyrinth。

2006.10.21 香港動植物公園

一星期一次戶外活動... 哈哈

今日去左香港動植物公園玩相機 ^o^
哇~ 呢度... 好耐冇去過囉~
印象中好似小學年代去過呢度 = =

感覺好奇怪, 市區中會有呢d 公園 =.= 一d 都唔match = =

d 動物好慘, 比人困住o係個籠度, 真係好想放晒佢地出來~

好鐘意呢種花~ 好得意! 好似 winnie the pooh 入面既 eeyore (我好鐘意佢!! 哈哈)

2006.10.20 ゲド戦記(地海戰記)

導演: 宮崎吾朗
主演: 岡田准一, 田中裕子, 菅原文太, 倍賞美津子, 小林薰, 夏川結衣
片種: 動畫
日期: 2006-10-26

龍與人類本來分別居於世界的西方及東方，互不干擾。一日，原本棲身西海的龍突然現身東海，而各魔法師的力量亦告逐漸消失！世界秩序崩壞的同時，王子亞倫被心魔困擾，決定毅然出走，尋找解脫方法。他在途中邂逅被父母遺棄的倔強少女蒂露，在她的幫助下，亞倫逐漸擺脫心魔。另一方面，大賢者基度眼見異象不斷發生，預料是災難降臨的先兆！

為了追尋邪惡根源，找到拯救世界的方法，他帶著亞倫和蒂露踏上魔幻之旅，誓死勇闖世界盡頭！最後他們竟發現世界崩壞，原來是邪惡魔法師哥普打開宇宙生死之門所帶來的惡果…而且背後更隱藏了一個極度可怕的復仇計劃…

官網 http://www.ghibli.jp/ged/

2006.10.20 哇～

尋日打算等到sat 睇醫生 (毒瘡)
後來比jessica 訓話了一段時間...
後來打算今日請半日病假睇醫生...

點知今早一起身觀察「病程」...
3個癑頭... d 癑仲... 汹湧而至咁流出來...
我完全措手不及, 呆了....

咁既情況, 唔睇醫生啦, 再觀察多一日先算吧 ~"~

做完了一陣簡單的「手術」後, 差點兒遲到 / . \

遲左架... 走左架應該要上既18號, 真係送車尾 =.=
後來上了18P... 點知.. 返到公司... 09:00 =.=

2006.10.19 老爹大壽

老爹55歲囉~

去左葵芳的湘川滬食飯~
好耐未試咁一家人食飯... i mean 真的「一家六口」 =0=
哈哈~ 因為如果再有其他人來吃, 佢地都要夾錢~ wakakaka!!!

我同carmen 大概19:00就集合囉~ (book 了20:30) 為了打NDS... 哈哈!!
同carmen o係M記坐左一個鐘倒啦~ 等埋jessica 就去搵間野...

點知... 有人唔曉點行 =0=
仲話去過o個度食 =0=
呢間野, jessica 介紹的~ 粉貴 =.=

我同carmen 一坐低就係咁玩相機~ 哈哈~

遲下post d 相上來先 ^o^

埋單 $14xx =0=


********************************
最近身體某個部位又生了嚴重毒瘡... 比上次的還要厲害 / . \
痛得很!!
屋企人.. 佢地... 個個叫我食鴨, 蟹...
話要食返d 毒野谷d 癑出來 = ="
係咪好無良呢 ~"~

　

2006.10.17 月聚

再一次月聚 ^o^
今次月聚, 其中一個原因係... 出來打NDS = =v
哈哈

本來為左個吉野家月曆, 去吉野家食野...
點知... 派晒 / . \





後來去了食冬甩 ^0^





好多謝哥呀~~~ =3=
他朝一日, 若我有餘錢剩... 我一定會... 一定會... 包起你! 哈哈哈~
你等我包你啦! 哈哈!

　

2006.10.17 嚇死!!

突然收到大爸既慰問電郵, 有些少手足無措, 差d 唔知點回佢好 =.=

2006.10.17 一日一餐

今朝先發現, 我呢排完來只係一日食左一餐
朝早唔多食野, lunch 就會帶飯盒返工, 而夜晚就只會煮第二日既lunch = ="

點解夜晚唔煮埋食埋呢?
原因係...

1. 冇時間食
2. 冇心機食


3. 冇胃口食


4. 食埋唔夠做第二日既lunch
5. 慳得就慳 (汗)

好多唔成理由既理由~ 哈哈哈~
但係, 一日食一餐... 又唔見我會瘦喎


所以呢~ 減肥而唔食野, 係唔work 的


　

2006.10.15 Street Carnival@蘭桂坊

今日去左蘭桂坊的嘉年華逛~~ ^0^
(其實主要是試相機吧~ ^0^)

踩高「橋」... 點解唔係兩支竹既 =0= 咁似機械人腳既=.=


好鐘意聽爵士音樂 ^^ 聽左兩次 ^0^



呢個人好熟!! 係咪o個個人呢? 唔記得佢叫咩名 =..="


被佢既節目名呃了...「迷你貓王」?! 點知係d 懶係扮野既表演... 以為有貓王既歌聽... 有點兒失望


呢個節目係我地第一個睇既, 好好聽 @0@!!! 仲好黑添 =.=



仲未好識用部機 / . \
攪到有巡遊時, d 相影到完全唔掂 ~"~
當我諗倒點set ISO,光圈同快門時... 巡遊隊... 走了 =.=


Orz....

　
　

2006.10.14 哇~

岩岩先實驗證明, 原來web 版msn既del contact 同普通版既del contact 係唔同架 =.=

其實呢個問題我都諗左一段時間, 其實我有冇必要要咁做呢? =.=
咁做咪真係好似自己話自己身有屎咁 =.= 真低能! 哈哈~
今日又去了三聯書局享受免費的冷氣 = =v
睇倒一本書「60種改變生活的方法」
其中一句「原諒別人, 會帶給自己快樂」 (類似啦~ 冇背到 = =")
我當時都為左呢句諗左一陣, 但好快又諗倒一句「咁都要時間架 = =」 =.=

落完街玩完相機, 收倒佢sms (問其他野的), 我就諗第一句既問題 @@

沖涼時我又再諗我既幼稚行為 =.=
(謎之聲: 個list 度過有大把唔知咩人啦~ 又唔見你咁做? = =")
我真係低能 =.=
枉我成日話自己冷靜 =0= 哈哈哈!!
搵日得閒時先搵返個email add 返吧~ 或者咁岩佢地msn 我時有佢地個email 先add 吧~
反正係同學, 唔多唔少有野會問到, 方便好多 = =
不過, 可能真係仲未慣... 上堂時唔多唔少會叫jessica 去搵佢 = =

講返我既新寵先~ ^0^
終於比我地玩到佢冇電, 可以差第一次電啦 ^0^
聽日應會去蘭桂坊行個圈, o個度有嘉年華 ^0^
yeah~~ 哈佬喂有相機啦 ^0^
諗返起舊年冇相機, 去哈佬喂好唔方便~ / . \ 之前同公司去澳門又係... / . \
今年可以盡情影相啦 ^0^

頭先突登去左碼頭試機, 傻佬就照舊好勞氣咁教我影相
我都唔知點解 =.= 真係講極都唔明 = =
係佢講得唔好丫~ 一或係我對相機既操作真係冇乜天份呢 = =
好在最後都明明地佢講乜 = = 如果唔係, 我怕佢會o係碼頭噴血身亡 =.=
而家曉影夜景, 到時去到哈佬喂就方便好多 ^0^
聽日就可以試影日景啦 ^0^


　

2006.10.14 Fujifilm FinePix F30 Zoom

終於... 今日買了這部...
受到惡魔影響... (嘿...)
好肉赤, 岩岩供完電話, 又要再供相機...
係咪冇野供會唔安樂? =.=
嗚~~ 又冇左筆錢去旅行囉~ (雖然都一向旅行無望 =.=)

雖然好肉赤, 但...
好好玩 ^^ 拍d movie 好鬼清 @0@!!
ok 啦~ 起碼呢部, 係DC仔來講, 最好的一部啦 ^o^

2006.10.13 日文堂@3

今次呢3個鐘, 快要悶死了~
又話今堂有quiz, 都冇既 =0=
等我仲溫晒d 生字 =.= 不過算啦~ 冇蝕底既~

我又開始作病了~
上堂中途已「嘔」了兩次... 不是真的嘔出來o個種~
但嘔到上喉嚨... 又吞返落去 =.=
好苦...

傻佬佢等埋我放學~ (真係傻的=.=)
本來仲諗住放學後即返家休息 =.=


咁多位, 我沒事喎~
雖然最近我真係好唔開心, 但你地突然對我咁好~
我好唔慣的 =.=
我真的沒事喎~ 雖然笑容少左好多~
但放心喎~ 我ok 的! 只是暫時還未咁快適應吧~

2006.10.13 AL-2

今早一起身, 其實係好精神的~
但完全冇心情返工, 好唔想返~
最近返到公司都冇乜衝勁做野~
索性今日請假, 在家發呆, 自我 scandisk~

七點幾send 左sms 比大爸同細爸request 請AL, 但佢地冇即刻回我,
覺得佢地可能唔approve 架啦~
所以都如常起身執眼耳口鼻洗頭吹頭~
點知之後先收倒佢地同一時間既reply, 可能佢地商量過卦~

我都知咁樣做唔岩矩規,
請假應該早d 申請, 所以比細爸話~"~
(知架啦~ 最多下次我請病假囉 =0=.... joking~)
之後再send 多個sms 比佢地「sa lum」同係咁二講左咩事請假
多謝大爸的sms reply, 傻啦~ 我唔會咁做既~


oosh~~~~~~~~~~~!!!!

2006.10.12 Another Code

又再重新玩一次呢隻game,
因為第一次玩時不是最完美的結局呢~
而且是英文版~
而家玩中文版, 明白好多~ ^^

今次, D 終於能靠升天啦~!
粉感動的說~~!!

但... 還是收不到包裹~!! 可惡!
但.. 不玩第三次啦~ 由得佢算 =__=


本來打算今晚整埋個flash, 又打算溫多次日文...
點知... Orz




************************
頂丫!! 原來只係差一張DAS未收齊 \ . /
下次有時間再重玩多次先得 \ . /

2006.10.12 Lunch@御壽司

(唔記得間野係咁叫呢個名 = =")

多謝香港科技~~ m(_ _)m

間野都幾ok 既~ 但呢餐lunch, 好悶 =0=

當時突然諗返以前都試過成間公司去食sushi (dinner),
氣氛勁開心~ ^^ (我地成班員工請3個老細食架 ^0^)
我地喪食甜蝦刺身~ 完全係一上台就搶呀搶~~
食到個老細落黎望我地 =..= 後來仲話冇晒 =0= 都唔知係咪 = =
主要係我, yip, eddie 同亞ming 4個搶~ 哈哈哈~!!!

好景不再囉~

2006.10.11 溫書

好耐冇試過d notes 舖晒o係張床度咁溫書 = =
突然好似變左小學生咁
o係度背生字 =0=

2006.10.11 我竟然...

號外呀!! 號外呀!!

我竟然... 食粟米粒呀!!
今晚既晚餐, 我食左半包粟米粒~~~ 仲覺得好好味添 =0=

2006.10.10 10.10

今日係你生日, 本來打算send 個sms 比你,
但我知你一定會回電話比我
但我唔想聽你電話

冇見幾年囉~
亦都已完全失去聯絡~
每當有新聞報導講TST有劈人打架, 我都會留意下
睇下有冇你份, 不過, 呢個行動, 已由當年你玩失踨後就開始了
亦都係因為你, 令到我唔係咁想去 TST
TST 實在太細了~ 真的會碰上你吧~ (試過啦 = =")

我諗, 你應該還健在吧~

2006.10.11 出賣

同一時間, 被身邊既人出賣, 應該係話, 互相出賣,
但只係, 最後我變成了罪人吧
「出賣」已經唔再係d 咩奇怪事

我一直o係度搵出原因, 邊度出左問題
但另一邊呢?

a 話a 岩, b 話b岩, c 對a 講話信a, c 對b 講話信b
abcd... 太煩了

記得c同d 都有結論, 話icq/msn/tel... 唔再會理b, 話已認清呢個人, 又話一早已經唔信b,
但倒頭來, 我當然知佢地唔會啦~
又調返轉頭, 佢地又向b 講a d 咩野呢

天知地知佢地知

尋日a同b 交流了很多sms, 終於a 放下了心頭大石
回到家, a同b都msn 了一段時間
最後得出的答案, 比之前更混亂
a 原來仲比人屈多2樣野... 真係唔知好過知
算啦~ 知太多反而會傷神, 反正已經比人屈, 多幾十項也沒關係吧


今朝返到公司, 坐的士途中, 我長大了~ (哈哈哈 應該係話老了!)

返到公司, 刪除晒abcd既野, 至少唔會有機會再見倒
唔駛一見倒又唔開心
我知咁做, d人實話我淆底, 又話身有屎~ 但佢地又唔會諗下自己?
反正冇乜特別事都唔會返老家, 返到去又未必會見倒佢, 講開既話題來來去去又係公仔
反正已經唔玩魔力, 就算玩都唔會同佢地有接觸
(不過, 唔玩機會多d = = 但又會比大大鬧 ~"~ 大大~ 我學花花咋~ 哈哈)

信你既人, 自然會信你, 唔駛知發生咩事~
好多謝你地 (鬼咩! 識左十幾年 =0=)

又再翻睇「女王的教室」, 亞久津老師所講既野好岩, 完全好似係對我講咁...
朋友, 唔知會幾時會出賣你
當你有事時, 佢地會企o係你o個邊嗎
你當佢地係朋友, 佢地會當你係嗎
一或佢地只係想利用你


振作!!! oosh!

2006.10.10 冇計

講過d咩, o係邊度講, 人地完全唔記得既~
我都冇野好講~
事實並無第三者在場, 所以大家講乜都冇用!

遙都講得岩! 咁既情況, 仲駛乜出來講數?! 真係講都冇用!
反正我要講既, 已經講晒, 出到來再講, 我都係講返呢d 野!
到時人地咪又係話「講來講去都係呢幾句!」
但事實係咁, 咁緊係來來去去只係呢幾句!

都係o個句~
「信」一個字!「唔信」兩個字!

收隊!
祝你早日記得返你d 記憶吧!

2006.10.10 哇卡卡！原來係咁 =0=

開始有d 眉目了~
似乎係有人既記性問題~

我真的好記得, 係warawara 時講的, 並不是英皇o個度~
英皇o個段, 我諗佢醉了 =__= 英皇係9月11號食「井」壽司,
o個日既話題主要係你同個女仔既事,
同埋你問左d 好嚴濕既問題 =0=


o係9月22號, 落堂後就同你往銅鑼灣方向行,
o個度... 並唔係灣仔英皇商業中心後面的電車路 =__=
我仲記得你o係報攤買本漫畫, 我仲揭左幾頁睇, 你仲o係度話我好揭你本野~
之後一邊行, 我地o個時傾緊d 乜呢~
呢度我真係忘了~ 只記得來來去去問食d 乜野
行到鵝頸橋前, 你話想學好日文去日本旅行, 就呢個話題, 直至你話轉彎向times squre 方向行,
經過鵝頸橋, 我本來諗住帶你去o個間食和民, 我話o個度靚仔靚女多, 你仲話我同你d taste 唔同~
後來經過times square, 我仲話o個度幾時多左幾個假人像o係度~
之後去到班馬線, 仲有個女仔o係度喊 =0= 我仲話想去八下咩事~
之後就係你唔記得點去warawara, 我係咁話你冇記性~!!

warawara 度~
無錯, o個時冇乜時間架~ 所以我地係一邊傾一邊食野~
我地都係一邊講, 一邊食野 =0=
我仲記得食到23:30 倒個死女侍應仲收左我碟飯添!


我記得我地一開波冇幾耐, 你就問我條頸咩事, 仲話你有好多o個d 咩咩貼添~ =0=
之後無幾耐, 就到呢個話題啦~

既然你都post 左對話內容, 我都post 出來好了~
對話既字眼唔係咁記得, 大概意思係咁上下啦~

你: 亞風同亞遙又分手啦~
我: 慣架啦~ 你又唔係第一次聽倒~
你: 今次真架~ 風仲喊晒口咁~
我: 今次又咩事
你: 前排有日亞遙話同屋企人食飯, 講明你同carmen 唔會去喎 (並冇jessica 份)
我: (下? 做咩拉埋我落水? )
你: 咁亞風放學之後打電話比遙, 諗住同佢講陣間魔力既野啦, 點知遙好似好驚訝咁問風, 乜你放八點幾咩? 我仲以為你放十點幾添! 而亞風聽電話時覺得亞遙o係度"up"住個電話細細聲講野, 個bg 仲好靜,好似o係間房入面咁, 背後仲有男人聲添 (我仲記得你做個動作出來架!), 之後亞風問佢o係邊度食野, 點解同屋企人食飯會咁靜, 點知亞遙講講下就話喂... 喂... 聽唔倒呀... 嘟... 嘟... 嘟... 咁, 之後風打左好多次電話比佢, 電話有響呀, 但係冇人聽, 後來風send 左sms 比遙話分手啦咁, 但之後遙佢冇反應囉~ 電話通既話, 咁即係都收倒sms 架啦! (我記得呢度我好似有問過你咩咩乜收倒sms 既咩?! 類似既問題, 但我忘了=0=) 之後我同風傾電話, o個時我o係廚房傾, 風o係房傾 (呢度我忘了邊個o係廚房邊個o係房), 大家既環境都好靜, 風話, 你睇, 我同你都係算係o係房度傾, 頭先既bg 就係咁樣差唔多, 後面仲有男人聲添, 仲駛問, 咁即係同個男人開xx野啦
我: (下?! 唔係卦! 佢憑咩同人xxxx呀?)
你: 風本來仲打算xxxxx加xxx ＜＝＝以下部份(一大段的)省略, 因為呢個係風既"秘密", 我估你應該或者會記得係咩卦~
我: 如果真係咁既, 係佢自己攞黎, 我都冇野好講啦~
你: 唔好話我話你個妹丫~ 今次佢地散左, 我真係要同風講恭喜你啦! 落巴飲酒啦!
我: 痴線
你: 我仲打算帶佢去dum 骨架
我: 你咪教壞人啦
你: 唔係呀, 正經野來架! 風佢話想去架! 佢話好累想dum下架
我: 我知正經, 咁都係o者~
你: 你知嘛, 第二日亞遙仲o係度死兜爛兜, 咁我地緊係唔信啦~ 佢話去左舖頭睇公仔喎
我: (頓時知道件事係咩一回事) 咦?! 你咁講, 我信佢去睇公仔喎
你: 你咁都信佢?
我: (就係呢一度! 我先爆的!) 咁而家o個間公仔老板想追佢嘛! 咁去睇公仔都好正常! 而致於電話收唔倒, 我又唔覺得出奇, 因為我去過睇公仔o個d 舖頭, 我唔知佢o個間係兆萬樓上丫, 一或其他地方, 我只知好多地方都收唔倒電話既~ 咁收唔倒都唔奇丫~ 況且, bg 靜, 可能人地閂左舖咁睇公仔呢~ 之前亞遙同我講過個老細想追佢, 遙好似訂左公仔, 個老細仲話拎去屯門比佢添! o個時我都有話鬼佢架! 你記唔記得前排咪亞遙同亞風又嘈, 嘈到去msn 我都廢事理 (o個時我叫亞遙幫我拆信, 所以o個時遙打電話比我), o個時遙都有話亞風呢樣, 又話亞風o個樣, 我都有同佢講, 人地追你時緊係好架啦! 你自己諗清楚邊個對你好, 邊個忍得倒你先得架... (o個時你個樣係"妨"然大悟咁), 不過, 睇公仔咪睇公仔囉~ 做咩要作話同屋企人食飯! 仲要話明我同carmen 唔會去~ 即係叫人唔好搵我地, 怕揭穿佢啦.....

成件事既對話, 就係咁 =___=
我真係記得一清二楚你d 表情, 當然我仲記得o個時既環境 = ="
o個晚既話題少之有少, 但只係講得耐o者~

原來... 係有人記錯 =___=


之後個幾星期後, 我就收倒遙既email $%@#$# 我啦!
呢件事就咁而發生 =0=

點呀, 你記得返起未呀 = =!!
我又借問聲, 如果你都係忘了我地係o係warwara 度講呢d 野事, 咁我地傾左d 咩野可以傾個幾鐘咁耐呢?!
我完全諗唔倒囉~
(後補: 仲有講過有關"火龍果"既野!)

仲有, 唔好張字眼跨大, 我冇話你地周圍同人唱「遙同人xx」, 我只係同遙講「而家人地話你同人xx, 我先講你同o個個老板既事出來」~ 成件事就係咁!

2006.10.09 終於被發現

終於被傻佬發現了件事, 正如我所料~
佢只有笑笑口話我~ (所以, 同佢講都o徒氣 = =)
在佢眼中, 這只是一件小事吧~ 小得就像小朋友在嘈交 = =
(佢份人就係咁 ~"~ 點解佢可以睇得咁開, 佢"射ley" 架? = =)


件事, 我唔知我可以信邊個...
要我揀既, 我只有信亞遙, 因為佢係表面上既受害人...
當然, 如果佢唔信我既話, 我都沒辦法~


我同遙傾緊電話時, 嚇得傻佬不知所措~ (未見過我咁激動吧)
佢不停的看我blog... (佢一向都唔睇我d 野的 ~"~)
佢應該是看得一頭霧水 = =
倒頭來還是問我發生咩事...



「就係o個日你個死人頭無端白事發我皮四o個日呀! 我好辛苦架~」
佢終於知道, 點解o個日我心情咁差...

2006.10.09 我逃避? 冷靜d~

件事又演變成變左我逃避了~
我幾時有避過?
只係冇人搵我出來三口六面/四口八面講清楚吧~

點解件事變左好似以"鵝"傳"鵝"咁, 再一度變化, 變左係遙「周圍」xxxx既 = =

我講件事出來比遙知, 係話比遙知我唔係無端白事爆佢d 野出來~
講過既野我一定會認!
但到呢一刻, 我都係唔知o個件事係邊個諗出來 = =
所以我只可以同遙講, 我係聽返來~ 邊個諗既, 天知地知佢地知~
所以, 我都只係叫遙自己諗~ 我從來冇指名導姓話邊個講~

但我諗唔明, 我識佢咁耐, 佢都係o個d 講過會認既人~
但今次, 佢好激烈咁唔認, 仲話我屈佢~
天呀~~

就呢件事, 我思前反後咁晚晚都諗返當晚warawara既情況...
佢o個次冇飲酒丫~ 應該唔係飲醉...
而我緊加冇醉 = =
但我真係聽倒咁咁咁... 而佢就話冇咁既事?
一d都唔似佢既作風
佢仲要周圍同人講件事, 同d 無關係而又識我既人講呢件事...
更加一d 都唔似佢既作風...
好有問題!!

我要平心靜氣咁諗成件事... 可惜仲未可以完全咁講倒野...

(有人問過我係咪之間有咩誤會)

暫時, 我只係知道我同杰之間既對話... 我亦只知我同遙之間既對話,
而佢地之間既對話我就唔知啦...
即係, 杰vs 遙, 杰vs風, 風vs遙既對話 =__=
如果有誤會, 咁個誤會o係邊度 =_______=

我諗多左?! 唔會咁戲劇性吧... 冇理由我同佢比人玩離間吧 = = (痴線!)

好想知成件事倒底係咩一回事!

有咩方法可以求證?
問米? 問天? 碟仙? (我真係有諗過呢個方法 = =") 睇相? 占卜?
丫!!!

真兇是誰!!

就係因為呢件冇人知/冇人認既事~
我比人話人格破產... 比人話係賤人... 可能更衰既仲有...



我相信件事唔係咁簡單... (睇得卡通片多嗎? = =)

2006.10.09 疑問

好多問題...

1. 點解我無端白事要屈佢? 我視佢如親細佬, 好多人都知.. 但..
2. 點解佢又會咁話我?
3. 我同佢地完全冇仇冇冤, 我做咩要無端端咁做...
4. 點解我要咁話我細妹? 屈佢呢樣野好好聽咩? 我好諗唔諗, 諗呢樣野?
5. 如果佢冇講o個件事出來, 我點解會無端端講o個件事出來? 如果唔係因為o個件事, 我點解要講另一件事出來? 唔通食食下野:「喂! 亞邊個邊個咩邊個邊個呀!」 咁?
6. 點解佢地3個先出來3口6面講, 又唔叫埋我? 即係擺明佢地3個想針對我?
7. 如果唔係佢地3個出來傾先, 而係我地3個出來傾先, 咁會唔會倒頭來佢變左賤人?
8. 到而家, 我仲未諗倒, 點解我要咁做...

真係好想有人可以答倒我

2006.10.09 忍唔住

終於忍唔住, 爆了~
第一次o係人地面前喊...
呢個week 我真係忍得好辛苦...

多謝你。

自己聽返自己把聲, 都覺得有d 恐佈...
我就係咁, 一激動時, 把聲就會自動變...

2006.10.09 咩世界

我估倒有人會回應有關事件~

但估唔倒, 點解我見佢寫既野, 同我親口同遙聽返來既野又唔同~
遙佢同我講... 佢知係「x」講...
但, x 既blog 度又寫到話佢地一個二個應同左我一個人攪事...

o個晚o係warara 度既對話, 我仲記得一清二楚...
even 係佢既表情, 態度, 我都仲記得好清楚...
我唔會聽錯, 亦都沒誇大件事~

因於呢件事我只當涉及我地4人問題, 所以都沒向其他人講~
jessica 問咩事, 我冇講, 傻佬亦都唔知有件咁既事發生~
點知有人就周圍唱, 當然, 也唱到是我一個人作出來的事...
也當然, 熟我既人都知我會唔會做d 咁既事出來~

我自問做咩無端端要咁做 = ="
有人可以答倒呢個問題嗎? = = (我都好想知道個答案)

事件發生到咁既地步, 我係咪e然要啞忍食呢隻死貓?

風前日sms 來話想傾, 有咩好傾? 你仲有野想屈我嗎?
風, 我知道你太多野了, 甚至有d 野你唔知我知....
我唔知算唔算了解你, but 我覺得好有問題囉~
你地已經向全部人講晒呢件事既另一面啦~
被你地搶先一步, 我再講任何野都冇意思~

信 一個字, 唔信 兩個字, 係咁簡單~

遙你尋晚o係家度同我講o個句野, 我仲以為你已經知道事實既真相~
但睇完杰既blog, 似乎你係兩頭蛇多 =.=

我應該要點做? 還是要向當時人講下我既完整版version? = =

我到呢一刻, 我都冇向任何人講邊個講出來,
但似乎有人又向人講話我講左係邊個講出來~
唉~

2006.10.09 突然夢見他

尋晚發夢突然夢見佢~
好耐冇見了~ 大概也有10 年吧~

奇怪的是, 他成了我的現任男友, 而傻佬, 成了ex...
但我地3個卻經常一齊玩...

他玩到受傷了, 我心痛地替他抹傷口, 而傻佬從後望著我們不是味兒, 但我卻沒理會...
去買魚, 我同傻佬一齊去買, 佢呷醋的緊緊的搭著我膊頭, 似是向傻佬示威...
後來, 我玩到受傷, 傻佬為左我因而受傷, 我內疚而追著傻佬, 而佢, 亦同意我追上他...

因為呢個夢, 我突然想起他, 突然想起他的家, 他的狗, 他的房, 他的電腦, 他的車, 也想起他的女朋友 (哈)~
但我已經沒他的電話號碼了, 還記得幾年前曾約出來吃飯... 當然, 我也是不了了之啦~
icq / msn... 好似有過, 但現在的list 已沒了...

算吧~ 夢一場~

2006.10.06 久違了的家

好耐冇返過老家了~
亦都好耐冇咁難得一家人食飯~
一張台 8 個人加 1 條狗~ 很熱鬧的說~^o^

返到家, 未停過 =.=
同carmen 攪下nds, 同呢個傾下野, 同o個個傾下野~
咁就係時候開台食飯~

好難得, 食完飯仲同老爹呀, carmen 呀, 洛文呀, 傻佬呀咁o係度睇遊戲天王~
笑爆!! 哈哈~~!!

戲肉來了~
我的雪糕月餅, 加上carmen 同洛文的冰皮燕窩月餅~
正~ 哈哈~
每個月餅都係一開6... 之後就搶 ^o^
由於好飽, 所以只食左2個雪糕月餅 ~"~
仲有2個, 我冇口福食了~~~
好好味架!!

睇完tv, 遙同jessica 一早走了~ 佢地各自各有街去~
而我同傻佬, 冇返到西環...
賴死唔走咁... 搵埋carmen 同洛文打牌~ 哈哈~
估唔到, 一向係水魚的我, 今次係大羸家 ^o^
羸左30蚊架 =.= 冇計~ 3番才$0.8 = =v
但... carman 你好似未比錢我喎! \ . /

打牌打到四點 =.= 打左幾個鐘先打完4圈... 慢到死 =0=
個個都肚餓~ 但咁既時間又唔知邊度有野食 = =" 唯有... 各自訓吧 = ="
我同傻佬佔據了梳化~
訓訓下, 見倒老爹老娘準備北上, 叫我地訓佢地張床 =0=

第二朝, 九點鐘就起左身, 我同傻佬決定嘈醒carmen 同洛文去食早餐~
點知... 洛文係嘈唔醒的 =___=

用了好幾種方法:
方法1: 影佢地睡相...
方法2: 聆聲 - 無線電視台新聞嘟嘟聲
方法3: 聆聲 - 今次到本港台既新聞前奏
方法4: 聆聲 - 笑爆!! 「老細... 你聽話啦... 老細... 你聽我電話啦... 老細...」 (都唔知傻佬o係邊度搵d 咁既聆聲返來~ 我都未聽過.. 笑死!!
方法5: 玩洛文部PS2...
方法6: 訓佢個位, 點知佢向下移.. 訓床中間位置.. = ="
後來... 放棄了 =.=

後來演變成... 傻佬o係度玩賽車 (PS2), 我同carmen 對打NDS =0=

終於等到一齊落街食野, 都下午1點半啦 =0=

一齊去健生食完野, 係時候返西環囉~~

成個人散晒 =0= 一上巴士就訓 =.=
好在仲曉落車 = =

返到西環, 沖完涼執好野...
又再訓 = ="

很累, 但很開心 ^o^

開心就當然的啦~
但亦有唔開心既野~

「佢話你屈佢喎~!」
就係係呢說話~
雖然而家已經唔知邊個係真, 邊個係假~
聽倒了另一個極簡短的version, 差距真係大!
anyway~ 算!

無論你是否想向我套料, 無論你是否想向我再補充資料, 無論你是想咩都好~
我已經唔想再提呢件事~
事不關已的就不要插手吧~
不要自尋煩惱, 我也不想再煩~~ ^o^

2006.10.06 Jobsdb

循例的睇Jobsdb send 來的Jobs alert...
咦?!
突然見倒好面膳既字眼...

公司個名 =0=

哇~~ 又出post 請web designer 啦 =___=

唉~ 成日轉人, 真係唔係辦法 = =

2006.10.03 受氣

無端白事$#%$#%@人, 又係痴線架!!

2006.10.03 冷靜!!

我唔可以再為左d 無聊人咁勞氣~
(我諗我激氣既程度一定比calico 上次單野勁好幾十倍!)
我今朝早仲"come" 個client 電話 =.= (當然, o個個客本身好凸煩!)

我要冷靜!!

一個sorry, 一個對唔住, 事情係唔會咁易解決! 去死啦!凸

唉~ 頂丫~ 條利仲未有好轉~
差唔多餐餐食粥咁濟..
頭先, 都唔可以話係「食」lunch, 可以話係「吞」lunch = ="
咁攪法, 食都冇啖好食, 隨時又會胃痛發作...
真慘~

條利爛就算啦~ 做咩咁黑仔, 隻左腳無端白事痛!
尋晚半夜起身都未痛, 今朝一落床就奶野~
並唔係扭親既痛, 而係腳板底條筋唔知咩事勁痛, 好似比人一拳打去我腳板底咁..
攪到行路都拐下拐下 ~"~

唔通, 大爸黑仔傳左比我?! 唔通由sat 佢打電話來o個一刻就傳左比我?! \ . /
唔好呀~ 我唔要呀~ 我唔要爆玻璃呀!
我一上佢架車就喪笑! 仲比大爸話:「笑咩呀! 有咩好笑呀! 肉都赤埋!」
哇卡卡~~~!!! 都叫你換埋防彈玻璃啦!

2006.10.03 屌那星！

呢排心情唔係咁好, 前排比人屈鳩完後
今日收倒個仲火撚滾既email!

fine! ＜== 學calico = =v 已成為金句

我唔會再多口!

人地話佢去左同人開房上床, 我只係講出事實真相比人知, 都只係唔想佢地咁樣諗佢, 點知倒頭來比人屌好話我爆出去(i mean 個事實), fine! 原來佢鐘意人地話佢去左同人開房上床! 我衰多口, 真係唔好意思喎!

話時話, 我又做咩要幫佢呢? 佢搵屋企人過橋, 話同亞爸亞媽食飯, 仲講明我同carmen 唔會去, 即係叫人唔好搵我同carmen而揭穿佢! 就呢件事, 佢跟本就係成身屎! 我做咩仲要咁蠢幫佢口?

親細妹? 假細佬?! 朋友?! 全部同我去死! 我唔會再聽你地講野, 唔會再講野比你地知! 你地全部同我去死! 對人講人話, 對鬼講鬼話! 我真係大開眼界!!

你地既死活, 我已經冇興趣想知! 我既生死亦都唔再關你地事!

都係某人講得岩! 你對人好, 人地未必會對你好! 話唔埋o係你背後插你十鳩廿刀!

2006.10.03 今日はWoon'zの誕生日

一媛へ

めでたいお知らせじゃ！今日はWoon'zがおぬしと出会った日なのじゃ。なんともめでたい！

誕生日、とでも言おうかの。１年間あっという間だったのぉ。

Woon'zを長い間育ててくれてほんとうに感謝しておる。これからもメロたちをやさしくかわいがって育ててあげてくれ。

これからもWoon'zたちと素敵な思い出を作っていってくれることを願っておるぞ。

アドアドより

2006.10.02 ／＿＼

痛到完全食唔倒野~
唉~
睇情形, 又要一頭半個月先好返 / . \

2006.10.02 發神經

無端白事比人吠! 傻架~
返查記錄, 2006年9月18日我已經講過話冇錢而唔去bbq 架啦~
亞遙都知我唔去架! 佢仲同我講「係你唔去之嘛~」咁!
而家佢地一個二個話唔去, 我鬼知呀! 我鬼知佢地個個到期先講唔去!
而家就講到好似我一個攪到咁! 痴線!

而家比人話我o個時只係話「冇彈藥」

無端白事比人屌囉~

一早講過唔會去, 我仲記來做乜! 而家又好話我唔記得o個日bbq~
痴線!

一係有人冇記性唔記得我的而且確係講過話唔去
一係比人屈鳩我賴鳩我囉

咁又係既~ 我冇蒲頭咁耐, 最易比人拎出來擺上台架啦, 賴啦賴啦~
d 人拎我出來過橋我乜都唔知架啦~
乜撚野都賴晒我得架啦!!

我又唔係第一次比人屈
又唔係第一次見倒班人咁無良
又唔係第一次無端白事比人亂咁屌

2006.10.01 國慶

關我乜事 －．－

晏晝打算去銅鑼灣睇下有冇得訂雪糕月餅．．．點知賣晒　－．－
噢～　

夜晚無聊打算去西環o個個碼頭睇煙花...
睇倒呀! 睇倒煙~ 但冇花...
有好多一家大細都去左睇, 點知又係失望而回~
雖然睇唔倒煙花~ 但係d "boom boom" 聲好勁 =__=

亞細! 而家入唔倒去吹水啦!!
以前咪用條繩過隔離既~
而家o個度整左塊板, 過唔倒去囉 ~"~

2006.09.30 又再次...

好耐未試過啦 ~"~
做乜事又係咁架 / . \
前幾日只係夜少少, 點幾先訓o者~
話咁快就中招...

爛"利"....好凸痛!!!