2007.01.22 沮喪的一天

今日心情好爛

返到公司, 毫無目標
一班假好人
一個好複雜唔係人用既cms
公司係咪真係需要請人?
我完全唔知自己o係度做緊乜... 睇個cms... 睇完又點? 要改d 咩? 一或要由頭改?
o個個cms 已經唔係一般人用, 應該係比d 識coding 既人用...
我覺得, 用得掂o個個cms, 即係一個識html, 識css, 識coding 既人...
咁不如開個dreamweaver 整個site 仲快仲方便, 駛乜用o個個cms?!
勁無奈~ 呢度click, o個度click, 又唔知d function 係點work...
又冇coding 睇, 又冇user menu.. 完全靠估...

一邊睇個cms, 一邊覺得自己係多餘的...
一邊睇個cms, 一邊o係度諗緊自己既價值...
一邊睇個cms, 一邊開個jobsdb...

忍唔住同左傻佬講左, 我返呢份工好唔開心...
或者可以咁講... 係未開心過...
但為左$, 我要忍~
既然我選擇離開快樂的SV, 而來到了BL, 我就要負起責任... 盡量撐下去...

我係咪唔再適合做呢行呢?!
一或係呢間公司既人有問題?! 一或呢d 係大公司既風氣?!
以前o係SV, 大家既氣氛真係好似一家人, 有新同事來到, 大家都會好主動好踴躍咁去幫佢, 去同佢傾下計, 去玩下等等...令到佢快d 螎入呢個大家庭~ 但呢度... 唔會有機會見倒呢個情境的。

好耐都冇試過呢種心情...
經濟既壓力, 工作既壓力... 好似十噸重咁突然從天而降...
忍唔住, 放工時忍唔住想喊... 所以今日比平時早左5分鐘走 (18:25)
落到公司樓下, 慢慢行, 吹下冷風冷靜下...
收到傻佬既電話, 再次問我做咩把聲咁無呢神氣... 鼻酸酸...

上到船, 呆呆的望住個海... 傻了似的... 好快又要落船...
上到車, 呆呆的望住行人... 傻了似的...

手機搬著mp3... 「笑一笑沒甚麼是大不了的」...
我笑唔出... 真係完全笑唔出...

我可以點做好...



　

2007.01.21 返屯門

傻佬要返屯門探親，兼拎野～
我就順個便咁返去剪頭髮～
再順個便去左jessica 屋企參觀～

終於, 傻佬的起心干~
覺得真係有需要要儲錢做首期...

加油!

點知我地唔記得要拎衫 = =
人家8:00 close = =
我地7點幾仲o係屯門 = =
本來打算拜托亞red 幫我地拎...
點知亞red 上緊堂~ 真係唔好意思, 我仲打左2次電話騷擾佢 ~"~

不過好好彩 @@
我地八點幾趕返去, 間野仲未close ^^

　

2007.01.20 坪洲一日遊

由於業主要求加租, 我地打算平平地搬入坪洲~
早幾日已拜托小安同佢d fd 幫下手搵下有冇平既租盤~
一早入到去, 同小安食個早餐~

之後睇左幾個租盤~
$2300 1房1廳有露台連天台, 好近個海架~
但傻佬話間屋細, 放唔倒野~ 尤其我d野 =__=

其他o個d... 忘了次序囉~
總括來講~
好dirty = = 點解d 業主唔清潔下先租比人架 =__=
有間好攪野~ 我未見過咁深既屋 @@
不過, 間屋2年冇人租, 仲要o係渠邊~ 好勁既渠味 =___=|||
仲好鬼超級dirty =.=||| 好似d 港產片入面既鬼屋咁 ~"~

後來, 同小安一齊搵倒張街招~
$2100 有露台~
本來已經應承左個業主會租架啦~
但傻佬返到家, 又話好似唔捨得咁~
又好似一日之內睇完好似好急咁~
後來佢再深考慮... 決定都係算啦~
每人每個月比多少少~ 暫時唔搬住囉~

攪左成日... 得個吉~
不過都好既~ 起碼唔駛心掛掛成日話想住坪洲~
其實我都幾like 架~ 好鐘意o個種街坊feel~
勁正~~

總有機會既~

anyway~ thx 小安陪左我地半日行來行去~~~~~~!!!


　

2007.01.19 Annual Dinner @ BL

今日要返日文, 又係公司既annual dinner...
邊有得揀丫...

起初極之不想去...
好怕悶~
(預左d 野唔好食架啦~)

點知, 都ok 既~ 試下盡量投入...
比我想像中有返d 氣氛~
幾開心~

仲抽倒獎 =___=|||
一個要叉16小時先可以用20分鐘既oral-b 電動牙擦~
萬歲!! orz________|||


　

2007.01.14 丁丁...

這個weekend, 也是為了丁丁而忙碌...
仲未有時間抖 T______T

每個sat / sun都好忙...

我要休息呀~~~~~~~~~~~~~~~~~~!!!!

黎緊既sat 又冇得抖啦~
因為... 打算成為丁丁的第一個「出街日」 ^0^~~~~~!!
哈哈哈~~!!!


　

2007.01.11 新新新新新

在新公司已經8日囉~ 時間過得咁快既 =___=

但係, 仲未習慣...

未習慣新同事... 好似唔係好夾咁~ 性格呀, style 呀, 話題呀... orz___ 所以都冇乜兩句 = =
未習慣午膳時間... 12:30 就lunch = =
未習慣叮飯時間... 等到九更先有得食~ 今日仲要成13:15 先有得食, 之後就鯨吞飯盒... 真係覺得自己好淒涼咁 ~"~ 唔通要迫我唔好帶飯盒, 餐餐食麵包 =___=
未習慣工作氣氛... 死寂 =__=
未習慣... 好多野 =___=

唔知要幾耐先可以適應倒呢 = =
唔知我又可唔可以頂得順呢 =.=|||