2006.07.01 清潔亞嬸

六點鐘起身 >>> 叫人起身出發釣魚 =__= (又唔係我釣, 做咩我要叫人起身 = =")

平常返工時間起身, 打陣機, 出門口往新公司出發~ 返到去大概 11:50~ 在新公司樓下已見倒搬運公司既貨車 @@ 上到樓, 仲搬緊 + 執緊 + 砌緊 =__= 一大堆男人 =__= 我.. 返到去... 好異相 = = 由於自尋日既lunch buffet... 差唔多22小時冇食野, 好肚餓, 我又仲未幫得手住, 唯一可以做既.. 就係.. 搵野食 =0=v

d 師傳終於攪掂晒d 野 (呢間搬運唔係咁得, 個名叫「x達」, 記住佢@@), 我就要開始「清潔亞嬸」上身 =0= 我一邊抹野, 一邊大叫大嚷, 因為好肚餓, 真係好肚餓~ 「老爺! 幾時有飯食呀?! 妹仔唔挨得架!!冇力抹野啦~~!」 雖然我不停咁叫, 但要等細爸返來 =__= 等... 等... 一邊狂叫嚷一邊等, 又等... 等... 等到我已經頂唔順... 冇氣冇力再叫了... (頻死邊緣)... 差點兒昏了過去~ =__=

終於, 細爸同無添加返來... 又再等多陣... 出去食野 (我已經暈暈地... 大爸可能已察覺到, 冇再叫我抹野, 叫我抖下等食野 =.=")

食完lunch, 再作戰...大汗dum細汗, d 衫又變濕, 再又濕變乾, 前前後後... 都有好幾次... 呢度... 冇冷氣... 完全見唔倒天堂之門... 呢度.. 係地獄... 甚至係煉獄..... 天啊!!!!!!!!

本來約左風, 遙, 亞細 出來飲野食飯, 但我今次真係無能為力了, 遲左幾個鐘 =0=細爸有joey 幫手執佢自己間房...我同趙生, ming, 大爸執公家野...calico 就... 似係返來執自己野為主 = = 因為佢個位最快覆原 (講明先~ 唔係我講架! 有人講架 = =v 我都唔敢出聲了~ 我只有「哈哈」的回應 －０－)

「執完野」既人走先... 我o個時連自己野都未執 = = 連箱都未拆 =0=細爸有joey 幫手, 我同ming 就幫大爸手 @o@我太放x 啦~ 成日串大爸 =.= 我係咪唔想撈呢?! =__=咁係丫嘛!! 大爸! 唔似你喎!! 要用膠紙"痴"野?! 唔係化 －０－望住大爸個書櫃, 真係好想笑~ 佢叫我幫手時我都覺得奇, 做咩半個身呢埋o係書櫃入面 =.= 後來變左我同大爸2個人既半身都呢埋左o係書櫃入面 = =" 好似o係度呢埋偷睇隔離房細爸咁 =__= 鬼咩~ 大爸個書櫃後面塊板跌左出來 = = 1個人要用手"禁"住, 另一個人要搵膠紙痴住 =__= 攪左好耐 =___=

最後先草草咁執自己野, 七點半先走人 =__=去到cafe, 八點幾 =__=

*********************************************************去到見倒風, 遙, 亞細, 唔知點幾, 成個人鬆晒~ relax 左好多~ ^^尤其見倒亞細@@ 好耐冇見啦~~~~ >"< 真係想大大力咁搣佢面豬登~ wakakaka~~!!

遙教我地玩「誰是真兇」 <== 其實, 我唔記得個game 名係乜 = ="好好玩 @o@!!!亞細.. 你... (我無言 =___=)

後來, 蝠頭來了, 就轉去漢陽苑... 其實唔想去呢間, 因為... 實在太厭 =__=蝠頭... 你好核突... 好一句「葡提指壓」 = ="

食呀食~ 傾呀傾~ 返到家... 成點鐘 =__=

英格蘭輸12碼 @0@巴西... 勁失望... =__=

唉~~~~~~~~~~~~~!!!!